Venus

Venus

Internete: N?  M 14junho 1958

Morna de Xavier da Cruz

eScrita etimológico

Skrita atualizadu AK [St.]

Venus!… oh nhâ cretcheu querida, Pamó qui bô há-l fazêm sofrê… Venus! oh nhâ astro di nhâ pensamento, Pamó qui bô há-l dixám morrê… Si sol tâ cabâ co note sucuro, Suma morna, co sofrimento, Pamó qui bô, oh Venus nha crecheu, Bô c’al cabám co ês nhâ tormento… Venus, crecheu stremicido Dixám cantá-bo ês morna baxinho, Venus, encanto de nha pensamento, Dixám niná-bo manso na bô ninho. Ês sofrimento ki sâ tâ matám Nacê na bô odjo di amor; Êl cria raiz na nhâ pêto, Êl há-l mata-m co crecheu e dor.

Venus!… ó nha kretxeu kirida, Pamo ki bu al faze-m sufri… Venus! ó nha astru di nha pensamentu, Pamo ki bu al dixa-m mori… Si sol ta kaba ku noti sukuru, Suma morna, ku sufrimentu, Pamo ki bo, oh Venus nha kretxeu, Bu ka al kaba-m ku es nha tormentu… Venus, kretxeu stremisidu Dixa-m kanta-bu es morna baxinhu, Venus, enkantu di nha pensamentu, Dixa-m nina-bu mansu na bu ninhu. Es sufrimentu ki sa ta mata-m Nasi na bu odju di amor; El kria rais na nha petu, El al mata-m ku kretxeu y dor.