Mostrar mensagens com a etiqueta Lingua. Mostrar todas as mensagens
Mostrar mensagens com a etiqueta Lingua. Mostrar todas as mensagens

16.7.12

Acordo_ Língua Portuguesa

O Acordo é Ortográfico, sabemos, mas…
Depois do Acordo Ortográfico de 1990, o ensino-aprendizagem da Língua Portuguesa em Cabo Verde passará a seguir a Norma do Português de Portugal ou a Norma do Brasil?
"(…)
Será aceitável (um fanante/escrevente de Cv) num mesmo texto fazer o uso das duas normas sintácticas?
Me dá um cigarro.
Dá-me um cigarro.
Não vou na escola hoje.
Não vou à escola hoje.

11.12.11

É nho la Leitor de Merka,

Karo leitores,

N ten odjado pa tudo leitor de es Blog, mas pa numuro de "bijita", Merka sta na prumero lugar. Por iso mé, N ta gardise tudo nhas leitor de Merka...

É tudo ku tudo falante de Kriolo ke du faze nós Lingua Kabuverdiano. Es é un konstrusão; oje y senpre.

Obrigado Merka.

28.7.11

*Rapas, dja N ka odja-bu velho na mundo!

- Lingua é ka de bosa!
Se bu ta papia kriolo, e se na kriolo bu ta fra [‘bakɐ], pur inzemplo, sugundo regra de AK (ex-alupeK), bu debe skrebe <baka>. Klaro, se bu ta fra ['vaka] entãu skrebe <vaka>.
[‘bakɐ]= ['vaka] dos prununsia sem mudansa di signifikado => b/v, nes kazo, ta konsiderado “interfone”, ou seja, variante (… dialetal).
Na Kriolo de Kabo Verde nu tem um monte de palavra ke tem dos forma de prununsia... Alem de [‘bakɐ]= ['vaka] du tem:
[pa’labrɐ]= [pa’lavrɐ]  
[bur’gɔȠɐ]= [bri’gɔȠɐ]= [vɨr’gɔȠɐ]
['berdɨ]= ['verdɨ]
[‘ɔbu] = [‘ovu]
[‘nojbu]=[‘nojvu], etc.

Nes data du ta da konta ma “b” sa ta bira “v”, na maioria de palavra na Lingua Kriolu. Ker dizer, ma kes palavra ki ta prununsiada ku “b”, mesmo kes la, sta ta ser prununsiado kada bes mas ku “v" de ki ku "b". Kel “v” etimolojiko ke ta pasaba  pa “b” na Kriolo, kes de maior uzo, oje, te na kes palavra “baziletal”, sta ta prununsiado  ku“v” em vez de “b”.
Bu tem poka brigonha => bu tem pouka vergonha (gosi maior uso!) Ka tem tadjo? Nau, ka tem. Kel li é rezultado  de kontato permanente, e kada bes mas frekuente, de Kriolo ku Lingua Portuges na Kabu Verde.
Li sim, sta um klaro inzemplo de diskriolizasãu e konsekuentemente“morte de nos Lingua na vertente baziletal”...
Nu odja kes fraze li:
1.     Rapas, dja N ka odja-bu bedju na mundo! => *Rapas, dja N ka odja-bu vedju na na mundo! => *Rapas, dja N ka odja-bu velho na mundo!
2.     Bu ka odja-m nha velho (pai)? =>* Bu ka odja-m nha bedjo?
3.     Dja N kume-l bedjo! => * Dja N kume-l velho!
4.     El ta xuta (bola) bedju… => *el ta xuta (bola) velho…
Se um falante de kriolo dexa de uza palavra “bedjo” (ke nalguns kazo ta signifika “rijo”, “forte”,  ku forsa, antigo, dja tem monte ano…) e el pasa ta uza apenas “velho”, kes fraze 1. ,  3 e 4. el ta dexa de fla-s? Ma, se el ka kre uza palavra “velho” pamode el é de LP, fraze 2. ka ta faze tudo sintido: * Bu ka odja-m nha bedju?
Ta faze algum sintido: - Bu ka odja-m nha bedja?

<velho> ka ta mata <bedjo>
Pensa! Na purtuges <pleno> e ka mesmo ke <cheio>…
Mante, mante fixe!

22.5.11

Na skola de tradusão... um ensino Bilinge.

Na skola Minino debe kumesa prende ler ku skrebe se LM e Nasional.
Na skola primario publiko minino debe ser enxinado skrebe ku ler se LM- Lingua Nasional. Prumero el debe enxinado alfabeto de se lingua pa el pode skrebe  ku ler Lingua ki el ta papia e el ta vive na el na se kumunidade: palavra, fraze simples te txiga ora de skrebe testo ku konteudo de kuzas ki ta pasa na se kumunidade de fala de forma organizado… pa kel li, el ta prende tambe kes regra preskritivo pa skrebe se LN, dispos el ta bai ta trena skrebe ku ler durante tudo pruseso de ensino-aprendizaje... pa el pode ser kapas, durante tudo se bida, de rejista se mimoria i vivensia sosio-kultural resebedo i pa pasa pa jerasao futuro na se lingua-kultura na original, skrebedo na mesmo lingua ki el ta pensa na el.
É na skola ki minino ta nxinado ler ku skrebe pa el pode konxe explisitamente Lingua ki el ta papia. Analfabeto só tem kunhesimento inplisito de Lingua ki el ta papia.
Nu meste sklarese: Pa ensino-aprendizaje formal aluno tem vantaje na skrebe Lingua ki el ta papia i ki el ta organiza se pensamento na el. Pur izemplo, um aluno na skola primaria ora ki prufesor pargunta-l: kuzé ki bu faze onte? Aluno é kapaz de fla-l. Du sabe ma kuza ki el faze onte, el faze-l na Kriolo, kuzas ki ta kontise na Kabo Verde ta kontise é na kriolo... Logo, si rasposta ta ser dado na Lingua ki el ta papia el ka ta da nenhum erro na ta konta-l. obijetivo de kel purgunta é sosializasão integrasão de kunhesimento de aluno… Mas si prufesor kre es rasposta skrebedo?  
Si aluno é alfabetizado na se Lingua, ki el ta pensa nel, skrebe kuza ki el faze onte, se kudado e pa el skrebe-l dreto, sima ki el prende skrebe. Li, na es izersisio de skrita, profesor ta odja grau de alfabetizasão de aluno… kunhesimento e pensamento sosio-kultural de aluno… pratika de skrita normativo de aluno... kapasidade de aluno organiza i dizenvolve se pensamento... profesor ta orienta aluno pa midjora kada bes mas.
(...)
Mas na atual sistema de ensino-aprendizaje kabuverdiano, minino ta bai skola pa bai prende ler ku skrebe Lingua Portuges. Um lingua ki el ta obi, ki el ta intende mas ki el ka ta papia.
Du kre fla ma minino de Kabo Verde ta bai skola el ta ser dezintegrado de sosiedade envolvente... Não é ki tudo vivensia linguistiko i sosio-kultural de aluno ta fika na porta de sala de aula djunto ku se kunhesimento sosial, kognitivo, afetivo i de relasionamento… Nes kaso, de inisio de alfabetizasão, kal é ki é obijetivo de ensino-aprendizagem? Nxina aluno ler ku skrebe Lingua Ofisial pa el traduzi se realidade sosio-kultural vivensiado na oralidade i na lingua Nasional pa lingua ofisial ki inda e ka ta papia, ki inda el sta prende traduzi.
Enkuanto aluno ka prende skrebe, ler ku papia es nobo Lingua… nu ta tem aluno silensiado dento de sala ta spera ora de sino toka, pois inda el ka é kapas de faze tradusão...

21.5.11

Um Intrevista

Na Kabo Verde nu tem um Lingua Nasional, el é Kriolo. Kriolo é lingua ki djarason di kabuverdiano kria pa du ta papia na txom de Kabo Verde, dja el tem mas de sinko seklo. É tambe Lingua ki alguns studiozo i skritoris tem stado ta skrebe desde século XIX, etimolojikamente.
Um intrevista
AL: Ki vantaji ki nu ta tem na enxina kriansa papia se língua materna?
RE: Prumero, ningen ka ta nxinado papia se Lingua Materno (LM). Sugundo, ora ki minis de 6-7 ano bai skola es ka sta bai la pa prende papia ses LM. Minis, nes idade dja es sabe papia ses LM, enton es debeba Bai Skola pa Prende Skrebe ku Ler Lingua ki es ta Papia. Lingua ki es ta papia é Kriolo. Pur iso, nu ta difende ma minis de Kabo Verde debe Prende Skrebe prumero Lingua ki es ta Papia.
Ora, na Kabo Verde e ka sim. Minis ta bai skola prende skrebe ku ler um Lingua ki es ka ta papia. Purtanto, purgunta debeba ser feto: Ki vantaje nu ta tem na nxina “kriansa” skrebe se língua materno?
Nu ta fla ma vantaje é bazado, mas du ta da só tres izemplo: Kel prumero grande vantaje, é ki minino sta bai skola prende ler ku skrebe se realidade sosio-kultural ki el konxe i ki el ta vive nel.
Sugundo grande vantaje, na skola minino ta kumensa ta prende strutura-eduka se pensamento inisial ki el ganha e ki el ta ta  ganha na se Lingua-kultura. É es Lingua-Kultura ki el meste prende, pa el pode kumunika-l - na oralidade o na skrita - pa tersero de akordo ku kes regra sosialmente aseite.
Tersero grande vantaje, skrebe na Língua materno é um ato de sidadania birado pa prezervasão, pa valorizasão i pa rekriasão de tudo patrimonio kultural material e imaterial de se kumunidade i de Kabo Verde.
Ku kel li nu ka kre fla ma minino ka tem vantaji na prende papia ku skrebe oto língua strangero: Ofisial i kes oto ki tambe é impurtante i nesesario.

30.3.11

Da-m um pontinha... golozo(a)

Kriolo tem palabras bunito. Odja-s na kes frazi li (a bold) :

- Da-m so um pontinha di ... pa N purba. E so um padasim.

- Si e mudjer, rasposta: Hummm e na ta da pa purba ki N perde kazamentu i el ta bai ta da... "T(r)umodi N ka sta kaza mas... "

Si bu da, gardesimento e kel li: - Dja bu roskom na mundo! (pode ser, ironia).
Si bu ka da, ramoki e kel li:  - Mos, a bo e falido, bariado. I el ta striba ku bo, e so um padasitxitxu, bo si fomi bem bu ka ta skapa, bu ta ser prumeru ki ta more. (Lembra kel storia di kel gram di mindju na tempo di fomi)...

Grosero:
- Da-m padas!
- Bu djuda-m kumpra-l... ba kumpra di bo si bu kre...

21.1.11

kebedo

Kebedo e kenha ki ta djobe lugar vazio pa xinta, mas ki ka ta txiga-l poi se kadera sem inkomoda kenha ki dja sta xintado.
Si bo ka kre odja-m kebedo, konpo bo dexa-m xinta tanbe.

21.11.10

Kapanga, nen flasa!

Nha Ana Purkopu, kantadera me... "omi mofinu ta peta ku po el ta ngoda ku faka"

Oh Montrond, nes testu li nho buli-nu tanbe. Pur isu nu ta fla nho li, pamodi nos e sensuradu na Liberal, nho sa ta konfundi "kapangas". Kapanga e kenha ta kore dodamenti tras di Alupec (ki e ka nos kazu!), un proposta di alfabetu pa skrita di kriolu. Ler dretu: Skrita di kriolu. Un forma di skrebe kriolu ki arguns Letradus kabuverdianu ka kre.

Nu sabe ma es asuntu di LKv ten idadi di nos indipendensia i ma e es Guvernu atraves di Dikretu-lei institui Ak, pamo el kre normaliza skrita di LKv. El kre ki nu regista nos Storia i nos kultura na ORIGINAL, pa sarbasãu di nos mimoria. Un prumeru pasu dja sta dadu, sa ta falta kes otus. Nu ta bai ta da-s, sen presa. 2º Pasu mas impurtanti e poi LKv na Skola ku objetivu difinidu pa el pode faze se perkursu akademiku. Dispos di kel li, tudu ki ta ben a sigir e bónus pa kada Kabuverdianu i pa sosiadadi-nasãu. AK dja sta dja Dikretadu. Falta-nu un longu trabadju di ensinu i di sensiblizasãu di tudu falanti di kriolu pa skrebe-l tanbe. Falta mas poku.

Kabuverdianu, en jeral, ka sabe fla pamode es e kontra AK, baziadu na Siensia Linguistiku. Es inginoransia li ka ta da-s i nen ka ta tra-s razãu di fala mal o ben  AK. Nen tan poku el ta da-nu direitu di txuma us otus di "kapanga". E au kontrariu, kapanga e kenha ki sta ku Alupec sen sabe pamo. E ka kazu di nos e ka kazu nho tanbe. Nen di kes otu ki sta difende skrita di LKv. Nu mesti traze tudu kabuverdianu - di Santu Antãu te txiga Djabraba - pa ben skrebe se Lingua Maternu pa nu pode lere-l se pensamentu i se kultura... O e ka si?

Nho sta papia li di pensamentu refleksivu. Sertu(?). Ago, e pena e ki nho sta matuta sobri un Siensia ki nho sta mostra li, i na otus artigu publikadu, sabedoru. E so pur isu me ki nho ten txeu kabuverdianu ta ataka kuza-s ki nho ta skrebe i nho ta publika. Tiru e tantu ki argun bes el al tinji Omi.

Nu debe leba en konta ma kabuverdianu ki e kontra alupec/Ak e kel ki ten abitu di skrebe, ku amor i karinhu, se LM, sima ki se kabesa nxina-l, ku bazi na "etimolojia" di LP. Tantu mas ki e LP ki el ta nxinadu skrebe na el na skola; kabuverdianu ki e kontra Alupec/AK ten un paixãu sen midida na ta Ler i na ta kanta Eugénio Tavares i Pedro Cardoso, entri otus tradisionalistas di Skrita di Kriolu.

Es kabuverdianu ki e kontra Alupec/AK e pamodi AK ta signifika mudansa di ses kustumi na Leitura i na Skrita di realidadi Kabuverdianu. Es ka e kontra nos Kriolu. Logamenti, es ka merese ser rabaxadu kontramas pa intelektual.

Ago, kenha ki ta manda debe lenbra senpri ma mudansa ten di ser sosializadu ku pedagojia. Debe uza pedagojia pa sosializa “es kabuverdianu k i e kontra AK”. Ka ten pensador refleksivu ki ta ignora pedagojia susial. Un trabadju kontinuadu i sistematiku ten di ser fetu ku Siensia i Sabedoria. Alias, trabadju ki sa ta ben ta ser fetu dja ten tenpu, e bon tanbe pa fla!

Dja-nu fra i dja-nu difende ma Alupec e ka Lingua. I mas, alfabetu e ka LINGUA na ninhun parti di mundu... Nho propi nho dja seta ma "Alfabetu e ka Lingua". Nu pode muda alfabetu mas Lingua  ta kontinua kel me (izenplu di Turquia?). Pur isu, nos ki e a favor di skrita di nos LM nu ten di reia e rapensa stratejia di torna kuletivu es nobu forma di skrebe nos LM, sen gera. Ma ku amor...

Nu rapara, es AK so e validu si sklarese kabuverdianu pa seta-nu el. Ka ningen diskise, si maioria di kabuverdianu kumensa ta Skrebe ku el e pamo el ta sirbi. Ingodu ki tra pexi di mar... Nes ordi di ideia, nos ki ta difende AK e valorizasãu di nos LM nu ten obrigasãu di mostra es kabuverdianu,  ki e kontra es mudansa di skrita di LCv, ku paxenxa, inpurtansia di Skrebe nos Lingua segundu es nobu padrãu, ku trabadju di pedagojia i ku "faktus pa mostra". Omis ku mudjeris nobri ta sumara tenpu i ora... es ka ta ferbe ku poku agu. AK foi pensadu pa kenha ki sabe, pa uni tudu kabuverdianu a roda di un padrãu di skrita nasional. Pur isu, na ta difende nos Lingua Maternu nu ten ki luta tanbe pa uniãu na diversidadi.

Nes kazu li, pensamentu refleksivu ta pasa pa konpo nos AK di forma ki tudu kabuverdianu pode sinti, ora ki el sa ta skrebe ku ku el, ma el sa ta skrebe Lingua di amor i di silensiu, pa sosializa atraves di un skrita se kunhesimentu kultural i sientifiku na Lingua ki el ta papia. Skrebe e tanbe Ler… i torna Ler pa torna Skrebe... un pensamentu refleksivu i rekursivu ka pode pasa pa sklusãu di kenha ki ta pensa diferenti di nos. Mas ku dibati di ideias ki pode rezulta na inklusãu.

Tres nota:

1. Ka nu skese, nes difesa di nos LKv ka debe ten "kapanga", debe ten, sin sinhor, liverdadi di pensamentu e di spresãu pa tudu fidju di tera. Vontadi di minoria ta binga so di baxu di manduku. I el ten bida kurtu.

2. Povu di Kabuverdi ten un perkursu ki sta rajistadu na Livru di História de Cabo Verde, komu povu trabadjador i intelijenti. Nu sabe ma luta ki du faze pa oji nu ten nos identidadi. Ka foi faxi.

3. Nos Storia e fetu di resistensia. Nes luta pa valorizasãu di nos Lingua Nasional ka ten Kapanga nen ka ten mangusa. Ten kabuverdianu ki ta pensa ku se kabesa. Manba e kel pensamentu refleksivu li ki mata Cabral?

PS:
Dja-nu odja ma nho ta valoriza nos kultura.Anton, odja nes tirada interesera di Ana Nho Purkopu (*Purkopi) kantu el odja dos nbarkadiu di Merka na solera-l parta di badju el kanta: “Oh Djemi ku Morin, nhos dixa-m, pamo pexi sta more N ten ki pega-l”. Konkluzãu go e di nho!

19.11.10

Stroberes

Stroberes, adj. n. 1. (di ingles st)

Baskudja, v. 1. Spia (ngatxadu ou nãu). 2. Mexe sen otorizason. Bu pode baskudja dretu! 3. Raborbe. Nhos pode raborbe, nada ka sta la!

Kroku, adj. 1. kenha ki ka gosta di da nada. 2. kurundin o tanbe karundin. Kenha ki ta guarda un kusa kalker baxu di se odju te staga y el ka ta da kenha ki meste. 3. bara kroku= tortu, biradu pa txon.

Djagasi, v. 1. konpo. Txiga pra la bu dixa-m sinta. Djagasi!

Djazi, v. 1. Faze txiga. 2. Dividi. Si ka txiga du ta djazi. Bu meste djazi ku bu konpanheru!. 3. Popa. Djazi es kume pa el pode parti. Oji krizi e jeral, tudu kuza e pa bu djazi.

Djatu, n. 1. Gritu. El da un djatu y el puxa se txada koina gentis spadja.

Djanguri, v. 1. Bira miodu. Ropa nobu o ki bu labal el ta djanguri. 2. kria ruga. Nha ropa el koze-l tudu djanguridu. 3. Bedju. El gosi es ta bedju djanguridu.

Djangoto, v. 1. Baxa korpu na vertikal pa riba djuedju sen po kadera na txon. (do port. agachado). 2. Ngatxa. Djangoto li sin Ze ka ta odja-bu. 3. Sentensa: Djangotodu ka ta po na ragas. (= mi tanbe N ka pode. N ka ten pa... N ka pode pa ... N sta sima bo!)

Djuguta, v. 1. Luta sen serteza ma ta atxa. Ale nu li ta djuguta pa vida. 2. Djobe kuza ki sabe undi sta nen si sta. 3. Baskudja.

Ndjutu, v. 1. Poku. Bu N sa ta ndjutu? Bu sa ta atxa-l poku? 2. Uzadu nu kotidianu pa fla me ka e rialmenti poku. Kume ki bu ndjutu ki ta farta-bu! 2. Fraku. Mininu N ndjutudu. 3. Menosprezadu. Bo e xefi ma tudu funsionarius ta ndjutu-bu, un xefi disruspetadu.

Nkroka, v. 1. kurva. Dja el nkroka na txon. 2. Gatxa. N Odja-l nkroka tras di kaza N ben fra-bu pa tuma kudadu ku el pamade el ta furta.

Raborbe, v. (do port. revolver "mexer e remexer") 1. Mexe pa djobe. Es raborbe tera pa mei tiston. Nhos pode raborbe tudu kabu, dja-m fra nhos ma N ka tene nada ngatxadu.

Txipi, adj. 1. Algen riku ki ka ta gasta dinheru. Omi ki taberna e ka ta paga nada.

17.11.10

Pintxar-me

Pinchar, v. > Pintxa = inpura = pasa.


1. Bem djuda-m pintxa karu…

2. Bem djuda-m inpura karu…

3. Pintxa-m kel pratu ki sta pertu bo, di favor!
4. Si bu ka kre pintxa-m el li...
5. Nhos dixa di pintxa-pintxa... 
“Foi ele que me pinchou primeiro”. Gargalhada geral…Mas porquê? Se é Português Arcaico.

- Ka bu pintxa-m pa N ka kai.

16.11.10

- molga!

Adijetivu: Bonbodu, mopidu i kramokadu

Verbu: Bonbo, mopi e kramoka.

1. Rostu bonbodu sima buli ki nase na kantu-l pedra. Bonbodu ta konpo ku mon. Kuze ki bu sta bonbo boka?

2. Ka nhos ngosta-m na karu pa fika mopidu. Mopidu bu ta konpo ku feramenta. rostu sima lata kokokola mopidu.

3. Na asidenti, nha karu fika ku para-xoki kramokadu. Kramokadu ka ta konpo. Ka bu frega-l pa ka kramoka,

Bu sa ta lenbra tenpu ki bu uza kes palavra li?

Ki ka  ten ramedi e so morti.

António, obrigadu pa ideia.

15.11.10

Ka-pode, ka ta po-m ka Labanta!

N ka-pode! E un spresãu ki, si nu presta atensãu,  nu ta obi gentis ta fla-l na rua... o te dentu kaza, na skola... na merkadu...

Ka-pode e un palavra bunitu. Un palavra ki as ves nu ta labanta di kama nu ta fla: Oji N manxe ka-pode nada. Korpu sta-m en baxu!

Ka e un palavra, pode e un otu palavra mas, ora ki nu djunta-s es ta torna un so, e ku signifikadu di sta duenti. E un sta duenti ki e ka di kama. Ora ki sta na kama, nu pode fla N sta duenti, raramenti N ka-pode.

Ka-pode e uzadu mas na ora ki nu ka sabe kal ke nos duensa.
- Oji N sta ka-pode nada!
- Nton, bai ospital. Bai konsulta. Es ta fla-u kuze ki bu tene (*ten).

N ka pode fla-u undi ki N sa ta bai. / N ka pode fla-u napunundi e ki N sa ta bai. Nes frazi sentidu e otu. Ka e un adverbiu di Negasãu. Ora ki e sin, entãu ka ta separadu di verbu na ortografia.

Napundi (pa undi) ≠ undi≠ nundi  ≠  dundi (di undi)Si nhos kresabe ka-s ki e diferensa, nhos skuta na rua ses uzu kotidianu.

7.10.10

E pa, ka bu xatia ka bu ingisa...

Era uma Escrita e três Leituras:

É pa, ca bu chatea ca bu inguiça____ E pa, ka bu xatia ka bu ingisa___

['ɛpa kɐbu∫ɐ'tyɐ kɐbuĩ'gisɐ] ____

['ɛpa kebo∫a'tya keboĩgi'sa] ____

['ɛpa kɐbu∫ɐɐ'tyɐ kɐbuẽ'gisɐ] ___

Um Crioulo e o Caboverdiano

Agora, cada um e cada qual fala o seu Crioulo. Intercompreensão(?). Mas devemos começar a aprender a Escrever e a Ler a Língua Caboverdiana. (...) No futuro podemos falar a Língua Caboverdiana, também.

25.6.10

GRAMATIKA & LOJIKA


Tudu Lingua di Mundu ten un Gramatika.
Kriolu e un Lingua.
Kriolu ten un Gramatika.

Outra Gramatika
"- Quatro ves quatro? (4 X 4)
- Duzasseis (16)...
- Muito ben!
E agora, duzasseis dividido por quatro?
- É quato, pussor!
- Muito ben!"

11.5.10

Badiuzar o Arquipélago? Não. Mas...

Na tertuliacrioula.com:

Todos os Caboverdianos (Cvs) estão unidos a favor da Oficialização da LCv (ou de um Crioulo?). Na última Revisão Constitucional a oposição que conta absteve-se. Pelos debates havidos na AN, ficou manifesto que o que estava em discussão era a oficialização do DL de 08/2009. Este não viola Lei nenhuma, dizem alguns entendidos (e vocês são entendidos). Dizemos nós, viola o “pensamento significante” da maioria dos “artistas Crioulos” que estão habituados a ortografar o Crioulo à portuguesa de forma espontânea. Esses têm já, cada um, a sua maneira de escrever um crioulo.

Alguns parágrafos para reflexão:

Durante todo o processo de socialização do ALUPEC “os artistas crioulos” sempre mostraram a sua raiva contra a letra para representar todos os sons [k] e sua a simpatia pela . De facto, os debates foram feitos mas, parece que o Decreto ignorou algumas recomendações pertinentes (?) saídas dos mesmos.

O artigo 9º da CRC, como está, tem múltiplas leituras. E para o efeito foi escrito em 1990 (?). Não era melhor que escrevessem: 1- São línguas oficiais o português e o Crioulo (de facto são Línguas oficiais de um país independente). 2- O Estado promove as condições para o ENSINO-APRENDIZAGEM DA LÍNGUA CABO-VERDIANA, EM IGUALDADE COM A LÍNGUA PORTUGUESA? O ponto 3, parece-nos um ponto desnecessário, se tivermos em conta que, efectivamente, nós, os Cvs, nascemos a falar um Crioulo e morremos a falar Crioulo (usávamos e usamos um Crioulo à revelia de quem?). Sendo este um facto. Outro facto, se todos usamos algumas das competências da Lp, é porque somos letrados. (…). Todos usamos as duas Línguas em Cv de forma ininterrupta.

Como o artigo 9º não foi mexido, nós não podemos fazer nada, ou continuar a fazer tudo como de antes: Escrever uns Crioulo que falamos, à maneira. Se assim for nunca teremos a LCv.

Sabemos que o Cv, de um modo geral, se não for para escola apenas fala um crioulo da sua comunidade até morrer. Se for para a escola aprenderá a falar, a ler e a escrever a Língua Oficial que é o português, em graus diferenciados. Portanto, é na escola que o Cv se torna num BILINGUE imperfeito: (a) que fala um crioulo mas, não o escreve na sua “forma oficial” e (b) que escreve, lê, e fala um português, cuja performance reflecte o seu nível de escolarização e o/ou seu hábito de Falar-Escrever.

Sabemos que aquilo que divide os Cvs não é a Oficialização da “LCv”, mas é sobretudo o desconhecimento efectivo do seu alcance e o medo: vai-se badiuzar o arquipélago!?). A escrita-Leitura que ainda não nos foi ensinada de forma oficial… oficialmente, como será ensinada-aprendida em todo o território nacional? Um manual de LCv deverá trazer “textos badios e textos sampadjudos”. Como é que deverão ser lidos e compreendidos por todos os Cvs falantes de um Crioulo?

Hoje, de um modo geral, aqueles que escrevem um Crioulo escrevem-no com o alfabeto da Lp que aprenderam… não se preocupam com as anomalias - as regras não são socialmente e nem individualmente prescritivas. E larga ta ba(i)!

Mas onde se viu Decretar um “alfabeto prescritivo” para escrever uma Língua Oral sem haver escolas públicas para ministrar o seu ensino generalizado?

Dizem-nos, esse alfabeto é cientificamente funcional. Concordamos. Para a nova geração não será uma imposição. Mas é uma imposição para a velha geração, e por isso mesmo é rejeitado. Os “artistas Crioulos” devem aceitar esse corte? Esses vêem o ALUPEC como uma “Invenção e uma prescrição” de normas póstumas. Naturalmente.

Dizem-nos que falta um Instituto de Língua Cabo-verdiana (achamos melhor, uma Academia Caboverdiana de Línguas) e um dicionário de Língua Caboverdiana (visto que os dicionários até agora publicados são de um Crioulo). Concordamos. Agora, a escola piloto no arquipélago para o ensino da “LCv” está já em implementação desde a década de 90, só que de forma oficiosa. São muitos os professores que leccionam algumas matérias de Ciências Sociais e Tecnologias em “LCv”… é chegada a hora de cairmos na real e aceitá-la.

E os estudantes-pesquisadores-investigadores Cvs devem ser chamados… são eles que falam e escrevem; e investigam e fazem acontecer…

O debate tem de continuar…!

15.4.10

Boka: Boka ta mora na ladera… por pontos!

-Nha Lingua e inda un padjigal!

As palavras por si sós definem uma Língua Natural?

Mesmo se entendermos que o jornalista quis dizer “Caboverdianos letrados”, não se pode estar de acordo com essa afirmação na medida em que todos os caboverdianos (cv) são letrados na norma culta do Português Europeu (PE).

Também não podemos ignorar que o falar  PB não esteja em Caboverde. Está na fala dos brasileiros e brasileiras nacionalizados que estão a desempenhar altas funções na administração pública Cv. Como consequência, deverão falar o PB nas suas reuniões e outros actos administrativos com os seus pares e subordinados, o que não implica “interactividade” em PB. É sabido que, por exemplo, quando esses “Brasilocaboverdianos” são entrevistados na Comunicação Social as perguntas dos Jornalistas Cvs são feitas em PE. Eles respondem em PB. Cada qual na sua variedade, um acto naturalissímo. E Ninguém tem nada Contra!

Se pensarmos nos letrados cv que rumam para o Brasil para continuarem os seus estudos e que por imperativo da norma culta brasileira sentem-se “obrigados” a escrever naquela. Sentem-se obrigados a falar PB? Mas, esses letrados, regressados a Cv, paulatinamente vão deixando esse “sotaque” abrasileirado, primando pelo sistema normativo do PE. Naturalmente, em Cabo Verde é o PE que é cultivado.

Portanto, não se pode afirmar que os letrados Cvs é que FALAM como os brasileiros, porque não é bem assim. Os Letrados Caboverdianos, em Cv, regra geral, capricham sempre quando é para falar e escrever o PE.

PS: Um qualquer observador atento não pode deixar de dar conta de alguns “desvios” no falar-escrever Português dos caboverdianos. Esses “desvios” encontram explicações sobretudo na sociolinguística.

O Brasil foi/é linguisticamente Crioulo. Crioulo num outro estagio evolutivo que efectivamente é nomeado de PB por oposição ao PE. Duas grandes variedades, duas Instituições de uma Língua Única .

9.4.10

Dadji na Buru Maradu...

Pa nu skrebe na Lingua kabuverdianu nu ten di parti di palavra, frazi i spresãu ki kabuverdianus ta uza na ses konbersu. Sobretudu nes ora di valorizasãu di nos Lingua, nu debe djobe pa dentu di nos kultura tudu kes palavra ki ten arma di kriolu, istu e, raborbe tudu forma di fra nos pensamentu ku palavra-spresãu kriolu na primer lugar. Si nu ka atxa-s, anton sin, un o otu neolojismu.
Ten arguns skrebedoris di nos lingua ki ta pensa ma basta es skrebe ku regras di ortografia di AK ma es sa ta skrebe na nos lingua. Falsu. -  mi N ta ruspeta regra di AK pamodi el foi dikretadu pa otoridadi konpitenti
Ago, nhos oja es testu li:
" (...) N podia dismantela manera idiosinkrátiku ki Nho ta skrebe na Kriolu, má N ka ta bai pa kel kaminhu la oji. Má oji gó, Nho spanta-m ku konteudu di kel puéma di Nho. Nho dizata ta skrebe na LIBERAL, pa faze kel speták[u]lu la, di grasa, pa dizinforma leitoris irresponsávelmenti ma C & K sta na gérra. Kel-la e ka otu kuza sinon un brinkadera di mau gostu, un baléla dizafinadu, kantadu na si menor, ku un koru fóra ton, undi algen ta apruveita pa poi bóka na tronbóna y ta sópra ku tudu forsa pa inputa nos kriolu di influênsia aitianu. Es e un autentiku farsa inventadu pa satisfaze nhos freges. Sr. Morgadinho, di zimóla, un bokadinhu más di seriedadi. Ka Nhu bira es kuza en C kontra K, nen en MPD kontra PAICV (...)"
Kes palavra ki sta a "bold" podeba ser trokadu pa palavra ki du ten na LKv i ki e uzadu na kuminikasãu entri nos.
Tudu nos du sabe ma nos kriolu di Kabuverdi e di bazi leksikal purtuges. Anton si du papia-skrebe nos Lingua sen karkel kudadu - si du ka skodje palavra spresãu i frazi di nos fala- nos skritu ta parse txeu ku "transkrisãu funetiku" di palavra, nes kazu di Purtuges. Es e fetu 1 son 1 sinbulu funetiku.

Un otu kuza ki ta merese un kumentariu e kel li.
"(...)Já ki okazion e oportunu, N ta kontribui ku alguns eleméntus di razon, rezumidu na tabéla 1 li-baxu, pamodi ki ka ta uzadu C na Alfabetu kabuverdianu – AK (ex-ALUPEC) y N ta spéra ma Sr. Morgadinho ta ntende ku kabésa y nau ku korason o ku imuson:

*Son Létras na Kriolu Izénplu na Kriolu Létras y dígrafus Na Purtuges Izénplu na Purtuges
 /k/ - okluzivu velar surdu
K Kauda, kóbra, kulpa C antis di vugal a, o, u Cauda, cobra, culpa (...)
Na Kriolu di Kabuverdi i) "Dja" sa ta ser tokadu pa "já" narguns kontestu di uzu. Kuza normal. Mas na kel li di riba debe ser "dja ki okaziãu..." N ta fra "okaziãu" pamodi e un palavra ki entra na LKv resentimenti, i palavras resenti ki ta kaba ku - ção i - são na purtuges na LKv sa ta tuma son - sãu; ii) Na LKv ka ten palavra "kauda"... ten e  "rabu". "kauda" ka pode ser izenplu di uzu di letra "K". Autor des testu podeba uzaba izenplu sima: "katxas, kabra, koku, karkel, kraki, kaska kaska, karka, robeka, okru/oklu, kardu..."

6.4.10

V+ (- pr) +po

Ideia e di Montron, kuazi 100 Verbu + po, i kada un ku se semantika (kazi skluzivu!).  E po ki ta sirbi pa tudu Kuza!

Zuni-l po
Zubia-l po
Zual po
Zipra-l po
Zinbra-l po
Xuta-l po
Xobra-l po
Xagua-l po
Txobe-l po
Txabeta-l po
Txuba-l po
Trotxi-l po
 Trotxa-l po
Tropika-l po
Troleta-l po
Trobesa-l po
Trisidja-l po
Trinka-l po
Tranka-l po
Trabankia-l po
Striba-l po
Stika-l po
Stiba-l po
Stanka-l po
Spankia-l po
Spadjiga-l po
Sota-l po
Skuarta-l po
Siridja-l po
Sinta-l po
Santa-l po
Sakuta-l po
Subia-l po
Sural po
Ruki-l po
Rufa-l po
Ronka-l po
Ronba-l po
Rinka-l po
Renkia-l po
Relanpia-l po
Ratxa-l po
Ratuti-l po
Rapika-l po
Rakuti-l po
Rabida-l po
Rabeka-l po
Pila-l po
Nheme-l po
Nhame-l po
Ngana-l po
Mui-l po
Mostra-l po
Moketa-l po
Metel-po
Manduka-l po;
Lupri-l po
Lufi-l po
Lonba-l po
Lenbe-l po
Leba po
Lapi-l po;
Kutxi-l po
Kunzia-l po
Kume-l po
Kuki-l po
Kruzia-l po
Kruza-l po
Koze-l po
Korre-l po
Konko-l po
Koki-l po;
Kaska-l po
Kaskal po
Karka-l po
Kanba-l po
Kabresta-l po
Intxi-l po
Furria-l po
Finka-l po
Ferbeleta-l po
Ferbe-l po
Farinha-l po
Farfadja-l po
Engrosa-l po
Druba-l po
Digudja-l po
Da-l un po
Da-l ku po
Bira-l po
Bindima-l po
Bentia-l po
Baza-l po
Bate-l po
Basta-l po
Barodja-l po
Barenkada-l po
Aplika-l po... enfin inda ten mas po! Pamodi ki kriolu  ta "inventa" tantu po?  ... el e sta na po! Un verbu di stadu... es e resenti.