11.1.15

Suma cuza...

El sta suma cuza djel doda.
Ku tanto carepa-l mindjo.

- Djal dismaia!, nhos da-m el um copo d' agu ku um carepa d'asucra di zimola...
- N ka se criado, pidi-m pur favor!
- Di fabor!

8.1.15

Kreke!, Ka tem Farsindade.

Ago, kalé ke nobidade?


Grafiku li di baxu ta mostra ma abilidadi di papia purtuges di alunus di turma bilingi di Ponta d’Agu, e signifikativamenti superior a abilidadi di papia purtuges di turma di kontrolu di mesmu skola. Turma di kontrolu e kel undi uzadu so purtuges komu objetu i veikulu di ensinu. Turma bilingi ku turma di kontrolu, es dadu mesmu imajen pa es papia del na purtuges. Es izami kontese na fin di primeru anu di skolaridadi. Di 34 alunu di turma bilingi, 29 da risposta na lingua purtuges i 5 da risposta na lingua kabuverdianu misturadu ku lingua purtuges; di 35 alunu di turma di kontrolu, 16 da risposta na lingua purtuges, 1 da risposta na lingua kabuverdianu misturadu ku lingua purtuges i 18 da risposta na lingua kabuverdianu.


Grafico_reportagem criolo

Pertu di final di 1º anu di skolaridadi (na mes di maiu di 2014) i pa avalia konpetensia na skrebe purtuges, pididu alunus di turma bilingi di Ponta d’Agu pa skrebe ses mai un karta na purtuges. Kel li e mensajen di un di kes alunu:







4.1.15

Sego!, ná, antan era pa N spia

- Bó é sego.
- Sego, ami!, antam ku mó ke N sta odja-bu?

- Mesmo asim, segom popre!
- Antam fra-m pamodé?

- Pamode bu odja, mas bu ka fra-m.
- Ampo!, fra-u cuzé?

- Cuza ke bu odja.
- Mos, kuzas ke N ta odja es ta sirbi-m só pa N pensa.


- Ma se bu pensa bu ka fra, é suma bu ka pensa.
- É ka ami é ka abó. Pensa gó, ningen ka ta stroba-l.

Pensamento ta pensa sem "Mi ku Bó = Nos". Pensamento é libre, Boca é ruspeto.

- Ago, fra-m: gosim na cuzé ke bu sta pensa?
- Na pamó ke bu txoma-m de sego, torna segom ...


- Dja N frá-bó el: pamode bu odja bu ka fra-m ... Cuza stranho num grande papiador.
- Sim Senhor!, papiador, mas N ka linguarado!

- Na kel li gó!, N ba ku bó.
- Antam é sim: dia ke bu kre pa N fra-u, manda-m spia. Pamó kes kuza ke N odjá de mi pa mi, se N fraba bó es, inda oje bu staba na txabe.

- Dja bu po-m na txabe.
- Ma stado serto ma kurpa ka de mé!