Mostrar mensagens com a etiqueta skrita di kriolu. Mostrar todas as mensagens
Mostrar mensagens com a etiqueta skrita di kriolu. Mostrar todas as mensagens

8.4.12

Quêl bonita scrába,


Paxenxa, N sta sim desde 1970 e...Um monumento

Eugénio Tavares, N. Brava 1967, M. 1930.

Quêl bonita scrába,
Qui teném câtibo,
Pamô n’ dál nha bida,
Cá crê pan stâ bibo.





Na  Proposta de Bases do Alfabeto Unificado para a Escrita do Caboverdiano, (IIPC 2000: 63-65), a filóloga Dulce Almada Duarte escreveu:
... a escrita de uma língua oral
«Sendo o crioulo de Cabo Verde, como se viu, uma língua oral, fazer a história da sua escrita não é tarefa fácil. Com efeito, não se pode fazer história da escrita de uma língua de escrita não estandardizada como se faria a de qualquer outra cuja padronização tenha tido lugar há vários séculos. O crioulo, embora provavelmente tenha começado a formar-se no século XVI, continua a ser escrito de maneira arbitrária, segundo o bel-prazer daqueles que experimentam a necessidade de o fazer. As primeiras tentativas de o escrever datam do séc. XIX, mas a ausência de um alfabeto e de uma escrita standard oficializados faz com que, ainda nos nossos dias, a escrita da língua cabo-verdiana oscila entre as preferências individuais dos partidários da escrita etimológica e as dos defensores da fonológica, como base para a sua ortografia. Deste modo, o crioulo tem sido escrito, desde há mais de um século, como verdadeiro idiolecto.» ALUPEC : 61.

«De há uns quarenta anos para cá, retomou-se a expressão literária na língua nacional, e nem sempre através da poesia lírica. É o caso da poesia de Jorge Pedro Barbosa, ou das crónicas de Sérgio Frusoni ou de João Cleofas Martins, de intenção satirizante ou simplesmente humorística, dos poemas de temática universal de Ovídeo Martins, Gabriel Mariano, Corsino Fortes, Kaoberdiano Dambará, Emanuel Braga Tavares, Arménio Vieira, Osvaldo Osório, José Luís Hopfer Almada, David Hopfer Almada, Tomé Varela, Daniel Spínola (entre outros) ...» ALUPEC : 63

«(...) embora o povo tenha sido privado de escrever na sua própria língua, cabo-verdiano de várias gerações têm-se servido do crioulo ou como língua literária e da poesia popular, ou com objectivo de sua valorização e de estudo, com vista à sua instrumentalização.(...)»

Autores Caboverdianos que utilizaram uma ortografia etimologica para escreverem o Crioulo: Eugénio Tavares (1867-1930);  Pedro Cardoso (1890-1942); São Vicente -B. Leza, Sérgio Frusoni, João Cleofas Marins, Ovídeo Martins, Luís Romano (1922-2010), Jorge Monteiro, Kaoberdiano Dambará (1937), Donaldo Macedo, Artur Vieira. ... tem mais!

«Após a independência, em 1975, embora se tivesse continuado a utilizar a escrita etimológica, alguns autores cabo-verdianos iriam servir-se do alfabeto fonético-fonológico proposto no primeiro colóquio linguístico realizado até agora em Cabo Verde sobre o crioulo, em Abril de 1979. Todos eles são originários de Santiago.» (...) ALUPEC : 61

Da leitura integral do artigo, História da Escrita em Cabo Verde, ficamos a saber/inferir que:

1. A escrita da língua Cabo-verdiana tem um historial de mais de um século de vida literária;
2. Na "ortografia etimológica" escreveram caboverdianos e não caboverdianos;
3. A escrita fonético-fonológico nasceu em Mindelo, abril de 1979;
4. Ke pa diante ke kaminho: se Kriolo ta papiado el ka ta moré, nunka!

(Bold e sublinados nossos)

29.6.10

Si bu ka intende... Matuta un koxi, meu!

Es Kumentariu li : "(...) kem bo é pe estod te falá dcoza kbo en dintendé? Bo é um intebiod que meté ne Bretche de barco ném bôs gente bo te bem visita. Acho k bo vra mês burro do que conde bo bei pe estranger. Calá bo boca bo tcha falá asnera pq bsot de PAIGC/CV é tud uns Ditadores e comunista é cré vra ess país moda se lé bsot casa. Ingnorante de M....." N furta-l na A Semana. Kuza mas inpurtanti nes kumentariu i ki N kre distaka e es verdadi: Skrebe Kriolu sta na alkansi di tudu kabuverdianu ki ta PAPIA kriolu i alfabetizadu na Purtuges.

Kenha ki, inda ka sabe skrebe  kriolu ki el ta papia ku bazi na regras i normas alupekiana pode skrebe, sima autor des kumentariu sitadu, reprizenta "sons do crioulo que fala com alfabeto Português". I nu ta intende konteudu di mensaji perfeitamenti. O e ka si(n)?

PS: N gostaba di sabe signifikadu di kes palavra ki sta a negritu.

19.3.10

IN MRVADAZ: E Txokota o e Txakota... Publisitariu...

Caro MRVADAZ,
Un son Un letra, ratxa du bai!?

Era pa N da nho parabes pa es "fotu publisitariu". - Bali!

Sobri es kumentariu di nho, leitura sta "nas entrelinhas". Kontudu, nho ten razãu na kuza ki nho skrebe... Argen debe poi travãu nes libertinaji linguistiku en nomi di alupec.

- Alupec e kulpadu di kuze? Kenha ki ka sabe, ka prende skrebe sugundu regras i norma prupostu pa ALUPEC… ki skrebe na otu Lingua!

Ideia ki sa ta ser pasadu (pa kenha?) e ma tudu algen ki ta skrebe purtuges e konpitenti na ta skrebe kriolu,istu e, ka meste bai skola pa prende skrebe LKv...

- Anton, tudu skritu ki parse ku “k” e ALUPEC?

N ta prubeta pa N divulga es fotu na Kauverdianu.blogspot.com… sosializa-l e nha obijetivu.

Anti di N diskise... N ta spera ma nho ta lere-m! Abrasu, Et.

18.9.09

Un Mandukada!?

Sin, un mandukada na kurtura di Kauverdi pa pode korda i tuma kaminhu di Kultura.

Manduku e un palavra ki ben N na mimoria a prupozitu di kel testu li:"Pamod ku nu sta fala dialeto desconhecido? Ah nha djent simé nos criole di Djarmai i sab…kel letra r ku ta rola na nos lingua ta poi amorrrrrr ku mas saborrrrrrrrr. Kel nos sutak suave tem poder di apoixona kualker um.(...)", napunde N dexa kel kumentariu li: "Dignidadi sta na kabesa di kada omi ku kada mudjer ki ta odja Kauverdi sima se Patria...Lingua ki nu ta papia e di Kauverdi. Ago, fala di Djarmai e bunitu sin. Papia di Djarfogu e mandukukadu. Papia di Djabraba e floridu. Fla di Santiagu e madrasta. Dize di Sintanton e sorbedu. Fala di Sanbisenti e sakedu. Papia di Sanikulau e Parloa. Dize di Djasal e tenpradu. Dize de Boavista e speransadu sima Kauverdianu: Nobri novipovu labadu ku agu-l mar ki ka ta bibe ma ki ta sarga pa ka straga."
N fika ta matuta es palavra 'manduku' ben di latin. "Manduco, as, ávi, átum, áre 'mastigar, comer', der. do v. mando, is, dí, sum, ère 'mastigar, comer com gula, devorar, comer'. Istu na Disionariu di PB. I Dicionário da Academia de Ciências  de Lisboa tanbe ta regista-l komu verbu "Manducar... (Do lat manducare 'comer'). Mastigar, engolir ou ingerir alimentos.~ COMER."
Pamode ki na kriolu di Fogu ganha otus signifikadu:
i) Nomi: padas di madera (pode ser fetu di ramu di arvi) rolisu di ki pode ten te 70 sentimetru di konprimento i grosura ki ta fitxadu na palma mon i ki ta sirbi pa panta/gia 'buru' ku el o ki ta sirbi pa grandis briga, ... pa sota 'omi'. Dizafia: "Panha bu manduku pa nu odja ken ke mas omi li nes kaza, kenha ki ta manda!"; ii) adiverbiu di kuantidadi indifinidu " N po-l mandukul kume pa el ba faze des ora, ... dja el trabadja manduku, iii) Verbu/nomi kumedor "odja kumo el ta manduka!; ben du ben manduka kunpanheru; . Nu debe nota ma nes sintidu e kuazi senpri pejorativu, i ora ki signifikadu di manduku e kume, purtantu, un verbu, pur izenplu, :
" -Diabu, odja kumode ki el ta manduka! "
" -Rapas, ben manduka!, bo bu ka ta manduka na kaza di argen!?" (e un konviti groseru, ku sintidu trosita, kontrariu).
N ka sabe si inda na Fogu sta Omi di Manduku, omi balenti, ruspetadu: ki ka ta troka fra ku faze.

Ago, Buru e na undi ki el da-u koxi ki bu ta manduka-l!
         Buru e na undi ki el da-u koxi ki bu ta da-l ku po!
         Buru e na undi ki el da-u koxi ki bu ta xagua-l (di) po!,
         Buru e na undi ki el da-u koxi ki bu ta druba-l (di) po!      

30.8.09

Skrebe nun kriolu o skrebe na Lingua Kauverdianu?

Ken ki sabe papia, le i skrebe purtuges pode tanbe skrebe i le kriolu si el ta papia-l. Fatu e ki kriolu tradisionalmenti e skrebedu ku alfabetu purtuges i talves ku aplikason di alguns ‘regras’ di skrita di purtuges. Mas senpri falta autoridadi pa justifika, ku argumentus linguistiku, kureson o inkureson na skrita di un determinadu palavra, spreson o frazi na kriolu. Logu, kenha ki aventura na skrita di un kriolu nunka tevi grandis preokupason di pensa na diferensa ki ten entri lingua papiadu i lingua skrebedu i leitura di un testu skritu ka pode ser konfundidu ku fala. Kuzas ki ta nxinadu na skola.
Skrebe kriolu nunka foi nxinadu na skola. Dai ki skrita di kriolu e bastanti individual i sprimental. So pur azar e ki du pode inkontra un skrita sistematiku num mesmu autor.
Mas mesmu sen regras preskritiva rigorozu, kes skritus na kriolu ki txiga te nos, pur izenplu, es “FINAÇOM DA MORTE DO DOUTOR HONÓRIO” ta mostra-nu ma na ortografia di kriolu ten preokupason di ser soniko-etimolojiku.

Só gora qui djám cetâ -
ma alguem di divogacia ê pirsiguido,
pirsiguido na sê studu,
pamodi sê sabiduria,
pamodi êl ê di sê cabéça, ,
êl ê di fórça,- el e di se forsa,
êl ê di coraçom grandi…
Pirsiguido sim,
na sê tribuna,
na sê sento, - na se sentu,
coraçom ê préto,
tcheu di cabélo préto!
Pamódi prumeru sê bistimenta
ê di corasom.
Nha guenti, nhôs ki bem lâ di Praia,
nhôs dã conta di nôs rei préto,
qui desdi quel dia qu´ê bá di li,
m' c'obil papiâ
m' c'obil ri,
m' c'odjal bistido di préto
bistimenta qui djam àrâ disconfiába
cuma sê bida era curto,
pamó kel ó qu´ê bisti quel capa di bolta rodondo,
Ê ta parceba mi
So qui Nhâ Sã Miguel
Dipôs di morto,
Resignado
Sentenciado na Calbário!
(recolhido por Baltasar Lopes)

 Na un leitura en vos altu, si nu le asentuason tanbe nu ta repara ma preokupason di autor o ki el ta asentua un palavra, ora agudu, ora sirkunfleksu i o ki el ka ta skrebe un vugal, sima, pur izenplu, m' c' obil papiâ, (en ves m' ca obil papia ) e pa marka abertura/fexamentu di vugal i pa mostra pronunsia di frazi (en ves di skrita), respetivamenti.
Pa marka ma leitura di vugal e abertu 'cabéça', 'fórça', 'préto', 'cabélo' i pa marka fexamentu di 'a' final na formas verbal 'cetâ, papiâ '. Autor kre inplisitamenti pa leitor, indipendentimenti di varianti di kriolu ki el ta papia, le na varianti di kriolu ki sta skrebedu.
Ma si e pusivel faze leitor le kel varianti di kriolu ki sta skrebedu, atraves di asentuason i apagamentu di vugal nun kontestu determinadu, e ka pode garanti ma tudu leitor sabe signifikadu di palavra 'gora'. Es termu e kriolizason di 'agora' purtuges, ki na kes otu varianti di kriolu rezulta em go, ago, gosi, gosi go, grinha sin, gorago, gosin. Nen pidi leitor pa ka odja ma 'djám', 'dã' i 'djam' sta skrebedu di forma asistematiku. Leitura des puema ta pirmiti fla ma 'dã' debeba ser 'dam' i '... djám cetâ' debeba ser ... '... dja m' cetâ'. Autor ka foi sistematiku na se ortografia? Apesar di frajilidadi di skrita 'soniko-etimolojiku', kauverdianus formadu na lingua portuges senpri foi kapas di skrebe, di ler i di konprende testus na un kriolu.
Na pasadu kada kauverdianu falanti di kriolu skolarizadu na purtuges ta skrebeba di manera individual kel kriolu ki el ta papiaba, ku total liberdadi, e ningen ka tinha autoridadi pa ponta-l un fadja gramatikal. Talves e di li ki ben es memoravel ramoki: Kriolu ka ten gramatika! Gramatika entendidu komu: "tratado descritivo-normativo da morfologia e da sintaxe de uma língua". Kriolu era para o que servia!

Oji kuze ki kredu e ki skola di kauverdi pasa tanbe ta nxina minis di kauverdi le i skrebe lingua na lingua nasional, suma ki ta kontise na Purtugal, Fransa, Reinu Unidu, Itália, ets.

O será ki  nos minis debe kontinua ta prende papia, le i skrebe purtuges na skola pa es pode traduzi ses lingua, ses kultura i ses kunhesimentu kotidianu? 

9.7.09

Skrebe na Kriolu e kes li. Ago, skrebe na Kauverdianu e kal e?

Karu leitor bo sta konvidadu pa bo le kes padas di testu ki sta nes post li. Es sta skrebedu li na Kriolu… tudu es e intilijivel? Sin? Nãu?... seja kual for bo resposta. Ago, Pensa ku bo Kabesa na Lingua Kauverdianu i na Kauverdianus ki ten direitu di odja se propi identidadi valorizadu.
-PENSA DRETU!
Atensãu: kada un des testu tem di ser ledu, si bo sta faze-l en vos alta, na se varianti. N ka skrebe fontis di forma detalhadu(nomi di ses autoris, undi sta publikadu, data, ets;) pamodi e ka mestedu pa es kazu li.
1. (…) Na verdadi, odiernamenti, linguistas ten stadu ta defende mudansa di agrupamentu di kriolus di mundu. Ti resentimenti, kriolus ta staba djuntadu ku familia di lingua di kolonizador di undi es resebe ses fundus leksikal. Asin, nu ten kriolus ku prevalensia di palavras di orijen purtuges agrupadu djuntu ku linguas latinu, kriolus ku prevalensia di palavras di orijen ingles djuntu ku linguas anglo-saksoniku, etc. Entritantu, atualmenti, alguns linguista sa ta defende ma kriolus di mundu ta konstitui un familia linguistiku autonomu. (…)


2. Criolo di origem e quel di Eugenio Tavares, Pedro Cardoso, Baltazar Lopes, Fruzoni, Manuel de Novas, Ano Nobo, Catchas, Zeze de Nha Reinalda, Mario Lucio...mas e mas. Criolo dipos qui maiores homis di lingua caboverdiana concebe " dj" e " tch" e ques otu inbredjimbredji du/nu fica claro manera du/nu ta screbe criolu. Invencao de K, tx, e cuzas di ciume que nova geracao inventa pa es pode tem nome na Cabo-Verde. Mas, ca ta nganado ninguem li rapazis. Nhos bai screbi ALUPEK na scola di nhos propi fidjos. Criancas de Cabo-Verde ta screbi criolo tranquilo cu Alfabeto Lusofono.Nhos bai ler mensagem di Presidente da Republica por favor, pa nhos ntendi cuze quel fra nhos

3. (…) Kriole e nos identidade maior, mas grande k´mórna, mas grade k´katxupa... El razistí 500 óne de kolonizason purtuges, + 34 óne de agrason de sis katxor, kondenóde na dspreze i na dskriminason...Kamin e pa frente, nha irmon kabevrdiane i Afrikane, sima mi, sima pove de kabverde, mesme kes e k´ka ten kapsidade intlektual i/o mural pa respeita sis prope pesoa, i e k´ta fka ta gatxá na pólpa de otes ome k´es ta kreditá ser mas di ki es, i e k´ta tratas asin: Este preto (de M...) é quase branco, é um gajo fixe (submisso), é dos nossos.
Kabral, Grande Kabral (si Deus ka ten midida kabral inda e maiór) tava dze senpre ke rialidade ta izisti fóra de nos kabésa, independentemente de kel k´no ta otxá o k´no ta gostaba k´fose...
Ubrigada mas un ves kome sidadon Kabeverdiane i afrikane, pa kontribute ke bo ten stóde ta da pa lavantá i dignifiká nos nason ma nos kontinente, na un planéta téra kada ves ma globalizóde!
Pa mi, bo e Prémie Linga Kabverdiane 2008, i un kandidate forte pa kel de 2009.

4. (...)És muda pa cidadi, pratu ku kudjer rizolvi fika na cês morada di sempri, Gudja mopidu cê araminhu è trasformadu na anel, fogon prima fika na stanti pa infetu, fox kontinua ta cendedu, infelizmentin pa kafuka ti inda é sta na mesmu dilema, oras ke pença ma situaçon dja midjora na iletra é ta arma panha um djonga suçegadu lá na madorna, madrugada és ta cendel, koitadu ti inda é ka tem paz, mas pa barata kuzas dja é otu, é só é ponta baigon na el, nes mumentu é sta pença na imigra otu bez, mas é ka podi dá kara:

Fogon Prima staba xatiadu pamodi inda é ka cendedu, é rizolvi inçulta Gudja.

Fogon, é bo numpriti mo na koxa, cirigaita
Gudja rispondi” nn' koitadu bo, nem bu ka ta mimadu, bu mestedu só pa bu fazi di mula pa panela.
Barata, lá na cê kantu ku cê kau mau ta paça cês perninhas na rostu rispondi “ naaa dja dura propri, oxi sta tudu atrazadu, inda n' ka odja nada ta kai na txon!
Kafuka rispondi” ba trabadja, priguiçozu!
Barata infanhil flál lata bedju..”.
Kuza panha fogon també, é flá tem alguém ki ka ta rikunheci, sim ka funciona anhós també nhos ka tem funçon.
Djon Raton sklama!, pa pará ku és diskuçon, kada um di nos nu tem nos papel impurtanti! (…)

5. Era um bez…. um minin qi tudo dia él tâ fazê ómesmo camin de casa pâ bá s’cola.. Contente, alegre sempre, tâ odja mesmo montra, mesmo purgera, mesmo pastor, bendedores, e êl pode conta qú sês passos tempo qi ês mestê pâ bá de um lado pâ qél otu.
Um dia, qanto és tabá, sima de costume, na mesmo camin, tembâ fatcha s’crebedo: “Dú s’ta trabadja, proibido entrada pâ s’tranhos.” Él pargunta : “ Qusa qi quer dizer proibido entrada? Mim tem qi passa prali de qárqel manera sim qrê tchiga s’cola na hora, fra qél minin pâ capataz de qél obra, qi bira êl fral: mim tâ sinti muto, má ês s’trada qâ s’ta ser usado, craro qê nês s’tado qel s’ta ê muto prigós. Êl tem muto braco, qi dú s’ta ranjal.” Qél minin n’tema, má êl caba desisti qanto él n’tendê qi qél capataz ê quma um pedra grande qi s’ta sê diante ê qâ tâ fazel munda de ideia, pâ êl dixal passa.
Ês minin sinti forçado tâ munda de sê camin de sempre, sim pode fazel de otu manera. Má êl qá tem ideia de qál pode serba midjô alternativa. Èl debe tenta um otu camin. Poracaso, êl bira logo, na prumera s’trada pâ s’dreta. E êl cunça tâ anda fássi, pêl pode n’ganha tempo qél perde, él dispertal, um purfumo nês s’trada qi qél otu qá tembâ. Êl odja pâ tudo lado êl odja qi nés s’trada tudo s’ta carregado de berde, de arbe e frol na baranda. Nunca êl pensaba qi muda de camin tâ fazeba êl descobri purfumo de s’trada. (…)

6. Nho Djon ku nha Preta sta detadu ta ronka sonu suma kabalu. Mininus, ses korpu kansadu di tantu ka faze nada, sta durmi ki nen tudu finadu.
Dentu kaza nho Djon di Gugu so Marikinha sta kordadu ku se padogo sendedu ku lus baxinhu, ta ruma se kronkronzinhus di rapariga nobu, ta tuma sukutu ki o ki el sai di kel kastigu.
Na rua, di bes in kuandu, sta parse uns katxos ta uba i eku di rubera ta rabenda-s. Galu dja markaba ses prumer marxa di meia noti, mas gosin es sta tudu kaladu, na sonu o talves ta spera ora da, pa es torna marka konpasu, o talves nau; ki pode sabe ma es ka dja dibinhaba kuza ki staba pa kontise i es sa ta spera golpi sinta pa es toka alarmi!
Marikinha sta fadigadu ta spera sinal. Un ora di madrugada dja da inda nada. Uma i meia, nada. Korason sta bate-l mas kel mutor di pa ladron ki ta manda agu pa fora. Finalmenti li banda di un kuarto pa duas el odja kel lus di laiti foca-l dentu janela, di tras di un pulguera.
Marikinha dixi dibagarinhu ku se troxa na mon, dentu kel sukur pretu, ku uns burufu ta beja kel txon bensuadu, pamo staba na mes di azagua, el ba te txiga na Dimingu el pega-l na mon es lenbi na tenpu. (...).

7. (…) Má nhâ pai tamê tá jdás. Túd ez tinha 1 hortinha pâ ez e tinha ses bitchính (ses baquinha, ses cabrinha, ses carnirinhe q’era pâ ez, pas fazê cría pás bendê pâ ez). Por isse tamê, ez tá trbadjába content e da tardinha bem pâ casa content q’ses inxada ptód na ombre. Assim q’ez tá pô pê na quintal pâ d’pressa ez tà pô água na seldja má fodja d’ laranjera , es tâ labâ corpe, trocâ d’rôpa es tâ largâ pâ tchel bánda a boxe pâ bá ‘spiâ sês mnina. Pâ ez, câ tinha cansera dum dia d’inxada. Na roda d’óne era assim, má, na tempe daságua era um contenteza má grande, pamód tá stába q’négua, nindjêm câ tá odjába doss pólme diante d’ôdje. Túd tches mn’inas na flor d’idade tamê tinha que bâ bscába água na fonte ô bá comprâ pitrol datardinha pás pudía topába má ses rapáss. Túd , ô mótche ô fémea, era obrigóde ranjâ um manêra d’sei casa datardinha. (…)

8. Inflizmente na tud parte d’Munde tem gente dôde! Porqé? Nhas Gente um ca sabé?! Um ca é psiquiâtra, um ca é sociolôgo, nem um ca é historiador, mi nñé, nem mas, nem ne mênes, na tude nha humildade, q’um contador d’Storia d’vida, vivide na tude realidade, ma gente d’nha terra Soncent, isto é d’gente q’quâz ninguém ca tàva falà (Sergio Frusoni excepçon) ma q’sempre, vivé ma nôs e fazé parte d’nôs decôr, forclôrico… Qé na fûnde, NOS TUDE Ê POV!!!
Na nôs terra, sempre tive gente q’era drête, q’vrà cabeça, ôtes q’nascé q’sés dudice, ma és jà na sés cabeça. Talvez, se tivésse tide, Spital pa tratamente naqél têmpe, tchéu d’és pudia ter sîde recuperôde… MA!!!
E agora, na nôs têmpe, cmanera q’cosa tita bài?! Um ta perguntà?! Pa qem q’podé respondé?! Qé mi, qônde um bâba pa terra na 87, tinha tchéu d’és spaiôde pa tud tchon d’Soncent, embora maioria ca tàva fazé ninguém mal, ma tinha ôtes q’era precise cuidôde. (…)


9. (…) Inda no tita lidá ke un mentalidade na nos terra de kre munta kavole antes de sela-l. Parse-me e ise ki e inpase nes padronizasaun de nos eskrita. N kre pa ja y pa amor y future de nos kriansas y nos kultura un eskrita padronizode aoje. No ka deve perde tempe kon greve y otes manifestasaun txemode de instrumente de demokrasia inkuante no tita vive nun autokrasia mental. inkuante no ka liberta nos mente de ese mentalidade de mede y kolonial. Agora, ta parsem ke se un ala na sosiadade tita opo es prujet e pamode inda ka foi kunpridide isensia de padronizasau de nos idioma eskrite.(…)

Nho fika kansadu? Pois e, trabadju ta kansa asin komu sta diskansadu ta kansa! Si bo txiga te li ?!

Obrigadu leitor,

25.5.09

“BABEL” ORTOGRAFIKU

E PRISIZU IVITA “BABEL” ORTOGRAFIKU NA SKRITA OFISIAL/NASIONAL DI LINGUA KAUVERDIANA!


Na artigu anterior publikadu na Liberal Napolão skrebe :“ALUPEC não é unicamente estudo sobre o alfabeto cabo-verdiano, mas sim um conjunto de programas sobre a língua crioula, com métodos, formas e estratégias bem definidos a curto, médio e longo prazo.” Nes Parti el tem razãu, e di fatu un conjunto de programas sobre a língua Kauverdiana pa dignifika Nason Kauverdiana. Di akordu ku Fernando Pessoa (…) e é a língua com tudo quanto traz em si e consigo que define a Nação. Nos e un Nason, grasas a Deus Independenti.

Ago, mas uns paragrafus pa sklaresi/rekorda leredoris, letra "Cc" ka foi trokadu pa letra "Kk", mas sin, komu txigadu konkluson ma letra "Cc" ka e nesesariu pa skrebe ninhun kriolu di Kauverdi el ka ta faze parti di alupec - alfabetu kauverdianu. Suma letra “q”.

Alfabetu Kauverdianu e un Alfabetu Kauverdianu propostadu pa Studiozus Kauverdianus ki ta pirmiti skrebe tudu son di fala di kriolu. Purtantu, kre relasiona-l o konpara-l ku otus ki tanbe ten y en partikular ku Alfabetu Purtuges ki foi fetu pa Portugueses pa skrebe ses Lingua Portuguesa ta parse-m un eru. Eru pamodi sa ta konparadu di forma dizigual dos alfabetu pa skrebe dos Língua diferenti.

N ta intendi, sertamenti, kenha ki sa ta difendi “Cc” y “Qq” e kenha ki dja sta alfabetizadu na purtuges. Y ki tene un abitu/mekanika di skrebe purtuges y di skrebe kriolu ki el ta papia ku Alfabetu Purtuges ki el prende na skola o nau, di se alta kriasãu.

Pa karkel analfabetu (di karkel pais di mundu) ka ten letras ten apenas palavra ku se son, y se signifikadu. Ora ki inplementadu ensinu na Lingua Kauverdiana nos minis di Kauverdi ta bai pa skola pa bai prende le ku skrebe língua ki es ta papia na ses kumunidadi. Logu, ka ta ten konfuson na skrita di Kauverdianu ku ninhun otu língua pelu sinplis fatu di es ka sabe skrebe otu língua. E ses ta ser ses primeru kontatu ku skrita.

Ki fika klaru, N ta difende ma Língua Portuguesa debe kontinua ta nxinadu desdi skola primaria.

Finalmenti, "Cc", "Qq" y otus miodezas so ta faze falta na Alfabeto Portugês, purtantu e la ku es.

24.5.09

AK Decreto-Lei nº8/2009.

Atensãu Opinions Makers: dja nu pasa fazi di alupec sprimental, gosi nu sta na fazi di Alfabetu Kauverdianu In Decreto-Lei nº8/2009.

Sidadons kauverdianus lisensiadus, mestris y dotoris, pesoas sklaresidus (o nau) na duminiu di linguistika, sosiolinguistika, psikolinguistika, neurolinguistika y otus ___linguistika ten publikadu na komunikason susial (blogs inkluidu), di uns tenpu a es parti,artigus di opinion sobri skrita di kriolu di Kauverdi pa sklaresimentu y diskuson publiku. E di louva e di inkoraja se kontinuason pelu fatu di e ta pirmiti,na meius undi e pusivel, interesadus dexa ses kumentariu reflexivu sobri es materia. E raru ka parse kumentarius/dibatis entri alupekadoris y nãu-alupekadoris. As vezis e saudavel!

Ultimu artigu ki N ten kunhesimentu e di Napoleão de Andrade y e sta publikadu na Liberal online di 22 di Maiu, ALUPEC E AFROMANIA, el traze se opiniãu enkuantu pedagogu(?). N ka sa ta ben diskuti utilidadi di grafema “K” pa raseta vitamina “C” nen alinha nes pensamentu ma “A evolução do crioulo deve seguir em direcção à língua portuguesa, cuja influência é mais de 90% no léxico cabo-verdiano.”, pamodi N (nu)ta pensa ma língua e ka (so) “Léxico”. Pa otu ladu, ami N ka sta movidu pa ninhun “mania” ki e ka linguistiku nãu.

Ago, un otu afirmason publikadu nes artigu y ki bali pena diskodifika e es li undi Napoleão ta diskubri, talves sen kre, un razon primeru, verdaderu y profundu des prujetu di kriason di alfabetu kauverdianu (AK) el skrebe: “ALUPEC não é unicamente estudo sobre o alfabeto cabo-verdiano, mas sim um conjunto de programas sobre a língua crioula, com métodos, formas e estratégias bem definidos a curto, médio e longo prazo. ki nu ta reskrebe-l ku sigintis kureson a bold : ideia di ki se ten o ki nu debia ten e ki di fatu, alfabeto caboverdiano não é unicamente estudo sobre o alfabeto caboverdiano, mas sim um conjunto de programas sobre a Língua e Cultura Caboverdianas, com métodos, formas e estratégias bem definidas a curto, médio e longo prazo.

Entãu ka teneda es ideia!?

Si e nãu, nu meste, tudu nos, tene es ideia ki AK e un prinsipi (fin dja stivi mas lonji) pa formason di nos Identidadi Nasional, pamodi si es prujetu di inplimentasãu di AK ka fosi isu, era mas un prizenti txapa-txapa ki nu staba ta rasebe di pulitikus kauverdianus (di varius guvernu) ileitus pa tudu sidadon kauverdianu indipendentimenti di ser di situason o di opozison . Filismenti, es e ideia, kuazi unanimi, di nos guvernantis provadu na forma komu es sa ta djuda faze nase (dja ago, ka simiadu) en primeru lugar un prujetu ki so ta ruspeta a nason Kauverdi.
Foi aprovadu un AK, inbora mal sosializadu, ma jeradu ku mas valia di tudu variedadis di kriolu nasional (Prova sta num librinhu ki nu mesti kumesa ta le pa grupu di padronizasãu di alfabetu Proposta de Bases do Alfabeto Unificado para e Escrita do Cabo-verdiano: , pa ki tudu kauverdianu pode skrebe na lingua di nasãu ki e di sel. Seja, inda ki e so pur isu, AK e benvindu pamodi e un feramenta ki ta ben pirmiti nativus kauverdianu prende skrebe y reskrebi primeru ses propi realidadi verbal involventi, sen prejuizu di karkel spesi.

Enfin, AK ta ben faze kon ki tudu kauverdianu skrebe tanbe na se lingua pa otus letradus na Kauverdianu le pa torna skrebe y pa torna le mas tardi.
Mas un bes, nos, enkuantu nason, nu debe ruspetu a es AK sen dixa di tra-l, di bes a bes, ku bazi na siensia linguistika, entendidu segundu Saussure: “ciência que tem por único e verdadeiro objecto a língua considerada em si mesma e por si mesma” , kes ramu fraku.
Nu sabe ma Lingua ofisial di mundu interu di bes en kuantu es ta “sufri” variason y modifikason y nos e konsienti di es realidadi inkontrolável,… entãu ora ki forma di fla sta longi di forma ki tradisionalmenti ta skrebedu un determinadu palavra Instituison di direitu ta propoi se alterason na forma di ortografia.

Oji so nu podi diskuti, fundamenta y propoi "alterason" di AK pamodi AK dja sta dja ivestidu komu alfabetu pa skrebe lingua kauverdiana ki tudu kriolu ta papia.


Desdi 1975 ki lingua y kultura kauverdiana e livri politikamenti pa rekonstrui se propi kaminhu. Kuze ki staba ta falta?

28.4.09

"UN TI T' ÔTCHA Q´ JÁ TCHGÁ HORA...

Hora di pensa na leitoris di Kauverdi... Izenplu di un testu "dijital" pa ser obidu y konprendidu à primeira, mas ki nesesariamenti ten di ser lidu y treslidu pa mesmu ifetu pa leitoris ke ka di barlaventu. Kauverdianus, nhos klika ribal O Liberal Online - pa nhos ler mas sobri es nasinal kriol q´ê di tud nôs : "Un ti t´ôtchá q´já tchgá hora d´zês q´ô ês ta matá nôs d´vez ô, sê pa nôs pôv morrê, túd dia um gzinha, anton tchá nôs bem dsejás, dôs ô três vez, túd aquil quês tem dsejód nôs (...) " - debe serba!

Un kuza ki N ka pode dixa di deze : skrita intelijivel ma altamentifunetiku-etimolojiku!

23.2.09

Teatrakacia (Divulgason de LM)

Teatrakacia ku un olhar diferenti- odja lingua pela Lingua!

E sin propi ki N ta gosta, Teatrakacia: "O que falta, de facto, é a assumpção descomplexada da sua escrita – standartisada". Odja lingua ki nu ta fala (ki nu ta papia) komu un lingua ki tanbe pode ser skrebedu.

20.2.09

Gosi e ka alupec. E alfabetu Kauverdianu

Lingua, Lingua maternal .................... Nun dia spesial, 21 di febreru

Na tudu parti di Mundu, undi ten un Stadu sivilizadu y indipendenti, undi ki Puder governamental ta funsiona, tudu mininus ta bai skola pa prende le ku skrebe ses lingua maternu. Na Kauverdi nos mininus kauverdianus ta bai pa skola pa primer bes pa bai prende le ku skrebe un lingua kes ka ta papia.

- Um mal dja!

Kurigi es mal orijinal debe passa primeru, pa kunsa ta nxina mininus na Skola di Stadu di Kauverdi Indipendenti skrebe na se lingua. Lingua kel ta papia na kaza y na kumunidadi. E un midida ki ten vantagi pa Stadu ki tenpapel di unifika y valoriza Identidadi y kultura Nasional na tudu nivel. Pa nos mininus, prende skrebe e sertamenti mas faxi, ora kes txiga skola (ma inda na jardin ) es kunsa ta eskrebe un nomi di un palavra ki el ta fra y ki el konxe se signifikadu/signifikanti. Pur izenplu “katxupa” o frazi ki el ta fra y el ta obi sima “ katxupa sta ta ferbe na kaleron” o “oji nha armusu e katxupa ku pexi”, e un kaminhu pa mas tardi el faze un redason na skola undi kel ta mostra se realidadi ku alegria o ku tristeza di forma genuinu, skrebe pa ses amigu na lingua di se kultura y kultura di ses amigu, dixa un rekadu pregadu ku ima na gilera, da se opinion skrebedu sobri kusas kel ta odja y ki ta leba-l kuda se anbienti sosial y talves muda-l pa midjor.
Ma es mal ben di tras, el ben di tenpu kantu ki nu dixa di ser Província Ultramarina de Cabo Verde. Es mal era pa kortada na kulokiu di Mindelu na 1978 , ka kortado. Talves so ka kortada pamode Inda nes data monti algen, nasionais y portugesis ta atxaba(?) ma kriolu era o podeba ser dialetu kriolu di purtuges, suma ten dialetu di Norti di Purtugal por opozison a dialetu di Lisboa. Ma, mas di três dekada dispôs es dialetu aproxima di Lingua Leksifikadora so pa el roba-l palavra ku spresons, alias kusa ki tudu língua bibu ta faze. Ma e mante firme na kes otus konponenti di gramatika. Logu, so nu ten un kaminhu: ofisializa es “dialetu” y da-l nomi di Lingua.
Tanbe skrebe kriolu senpri foi “poi “na papel, o otu suporti pa skrebe, kusas ki nu ta pensa y/o nu ta fla na kriolu. Tudu alfabetizadu podeba skrebeba kel kel ta fla livrimenti. So ki na kel tenpu, na Kauverdi poku algen ta skrebeba era tanbe poku algen ki ta lereba ker na kriolu, ker na portuges. Oji, tenpu e otu, pratikamenti tudu algen ta skrebi y tudu algen ta "le". So pa es fatu ten necesidadi di regras ofisiais-ofisializadus klaru pa komunikason na lingua Kauverdianu, na tudu Kauverdi, pa ki skrebedoris e leredoris pode intende kada bes mas faxi y sen ambiguidadi ses interlokutoris.

Prezentimenti, ku ofisializason di skrita di Kauverdianu, ora ki algen ta skrebe Kauverdianu na spasu publiku o pa publikason e ten ki ta ruspeta alguns regras di morfolgiay, di sintasi , etc. regras normativus ofisializadus.
Ago, ofisializa un variedadi signifika ma e es variedadi ki tudu kenha ki bai skola ta prende. Istu e fala ku eskrebe na es variedadi ofisializadu ta ben ser meta... Klaru, papia , pa es prumer jerason di skolarizadus ta kontinua ta ser kel varianti di se kutelu, pelu menus em atus não ofisiais.

Pa kenha ki tene duvida, Lingua ofisial na Kauverdi obrigatoriamenti te di ser “un variedadi di kriolu” elejidu pa algen ku otoridadi . E un skodja “politiku” ku bazi linguistiku.
Finalmenti, imagina kal ke disfexu des dilemiku Alfabetu Kauverdianu, ora ki responsavel pulitiku masimu pa inplementason di Lingua Kauverdianu e prisizamente un grandi investigador y Linguista .


Kenha ki sa ta ben nxina mininus di EBI skrebe sugundu norma ofisial ku alfabetu Kauverdianu?

8.2.09

Kauverdi y Kauverdianu kre skrebe na Lingua Nasional

Gentis, so nu podi da nos parabes a tudu kes pulitikus ki oji ten un tarefa grandiosa di liberta Kauverdi di konplexus variu istorikamenti inraizadu na menti di ignorantis linguistikus.

E mestedu fla ma Lingua ki ta papiadu pa un Nason Independenti debe pode ser skrebedu tanbe, sugundo regras popri koerentis y universal. Pamode ora ki skrebedu sobri un tema/assuntu e pa tudu letradus nes Lingua ler y ten, mas o menus y, dentu di limiti, mesmu intendimentu sobri es tema/asuntu ki sta rejistadu. Inda ki karkel leredor pode diskorda, não di regra di skrita, pamodi es sta skrebedu sugundu normas pre-stabelesidu, ma sin di se propi konteudu.

Oji sa ta papiadu variantis di kriolu. Sertamenti ki intenson des pulitikus e ka kaba ku variantis papiadu na es novi ilha abitadu, ma sin unifika skrita des varianti atraves di un uniku kodigu pa pode ten kumunikason skritu na tudu nivel.
Lingua Kauverdiana ka pode kontinua ku divergensia diskontoladu. Ten ki ten regras. Gramatika ki ta ben inxinadu na skola. Ta ben ten Disionariu (di tudu konponenti di Lingua) pa da konta di lexiku jenuinamenti kriolu ( pa ki ninhun palabra ka perde se valor nasional): sinonimu, antonimu, ets,. ki tudu lingua di mundo ten. Na skola ta inxinadu Lingua di kumunikason Nasional y naturalmenti ten se regra y normas. Skrita ta ben ser un unianti forti. Suma nhos ta odja kiston di Lingua ofisial di Kauverdi sa ta interesa gentis di fora tanbe DN Online: PAICV propõe crioulo como língua oficial: Ka du tuntunhi; nen ka nu disaria!

11.1.09

“A “Leitura de textos escritos em crioulo” poderá constituir um problema ?!
Agora, por exemplo, o comentário de senhor Valdemar Pereira está escrito numa das variedades do Crioulo que traduzida para a minha " feliz inisiativa di... dos mininu di txan di simiteriu moda mi. Si mi N sa ta ri di kontenteza, ten un txada ki sa ta txora di raiba. Bida e sin me. Parabes Vela, parabes Toi. Kada un ta da kel ki el el ten. E kasi? [e ka sin me?]
Lendo o comentário do Senhor Valdemar e a tradução que acabei de fazer, quais são as diferenças que o leitor encontrará?
O Valdemar acha que alguém ficará contente pelo facto de estar a ser ensinada uma (única) variedade do crioulo por “dôs mnine de Tchã d'Sumpter moda mim” a "a profissionais da área da educação que tenham contactos com crianças e jovens falantes deste crioulo"?
Esses profissionais, notem bem, irão trabalhar com crianças e jovens falantes do Crioulo, Crioulo de todas as ilhas. E não haverá crise porque certamente esses “formados em Kreol” não falharão se tiverem pela frente um falante da variedade de sotavento.
Fazer disso motivo descriminação so pa Certos argen ki inda não dar conta que, os dialectos crioulos de Cabo Verde estão já há muito tempo cristalizados no Kauverdianu. Portanto, eu não vejo motivos para alguém ficar com Raiba… A mi N sta felis ku… ma es iniciativa.
Aos professores que tiveram essa louvável iniciativa: a de ensinar a nossa língua alem fronteiras, só espero que consigam mostrar a nossa língua ensinando-a e propalando-a.
A mi nha fogeti N tel marrradu!