aronbó

Ora ke N obi un palavra de  kriolo ke nhas amigo o karkel argen stranho uza, N ta djobe-l prumero se el sta na disionarizado na kes “disionario”  ke N tene na kaza.

VEIGA (2011) é un grande referensia. Dispos é QUINT (1998) e na urtimo lugar é kel prumero Napoleão Fernandes.

Onte algen uza palavra <aronbó> [ɐrõ’bo] ami N lenbra de se kontrario ke palavra <rosa> [‘Rosɐ]

 Na Fogo <aronbó> é panha kel ki sta de riba; <rosa> é panha tudo; djunta tudo. Kuriozo é ke na un determinado situason du pode, eufemisticamente, uza <aronbó> ku sentido de panha-l tudo: El aronbo-m kel fijon fepu, ka fika nun gran.

Ago du odja: Veiga (2011) ka ta rejista palavra <aronbó> mas el ten <rosa>.

ST	SV/OV	Obs Port
rósa rosa ( –lugar) rosa padja  rosa, roxa rosa na un kusa	róme seke de fejon rosá propriedade rosá palha/paia rosá rosá n´un koza	sub ramos secos de feijoeiro ver limpar a propriedade exp roçar a palha ver roçar, tocar ao de leve exp tocar ao de leve em
Lugar luga	propriedade de sekere lugá, alugá	sub propriedade de sequeiro ver alugar

Quint-Abrial (1998) tanbe ka ta rejista palavra <aronbó>  talves e ka ta uzado na Santiago,  ma el tem palavra <rosa>.

Rosa [‘rosɐ] (port. roçar) v. roçar mato e ervas daninhas, limpar um terreno, tempu di rosa: tempo de limpeza das terras em Maio e Junho, que precede as sementeiras, ken ki ta rosaba ki teni lugár: A terra pertence a quem as desbrava.

Napoleão Fernandes:

Roça, s. o que se roçou) canas de milho, feijoeiro e mais palhas secas que se roça para serem queimadas, por não servirem para o sustento do gado, roçada.

Se du odja kes palavra <lugar> e < luga> na Veiga (2011) konparado ku Quint-Abrial…

Luga [‘lugɐ] (port. alugar] v. alugar, pagar aluguer.

Lugal [lu’gal]  (port. lugar) o. m. q. lugár.  

Un nota: ranskrisão fonétika debeba ser [lu’gɐɫ] pamode é sin ke badio ta pronunsia kel palavra.

Mas sendo m. q. lugár Quint ta escrebe:

Lugár [lu’gar] (port. lugar) o m. q. lugal, s. lugar, local, sítio. Veiga (2011) ka ta rejista <lugal>. Napoleão Fernandes ta rejista tanbe só <lugar>.

Lugar, lugar, emprego, cargo; S.T. o terreno de sequeiro em que se faz sementeira, esse terreno cultivado, a fazenda; ____ de gente grande, os quadris (pleb.)

Na Fogo gentis ta fra:

Luga [‘luga] ku sentido de ke Napoleão Fernandes ta uza “o terreno de sequeiro em que se faz sementeira”. Mas tanbe es mesmo palavra pode ser sitio, lokal: - SAI DE NHA LUGA(R) BU DIXA-M SINTA, É MI KI STABA LI PRUMERO…


Luga [‘lugɐ] ku sentido de luga karro; luga kaza. (port. alugar).