"Borges, aprendiz platónico d'Cabalismo, t'dzê ke ne letra d'rosa está a rosa y tud rio Nilo ne palavra Nilo. Este genebrino das Pampas, Daniel y um'data de ôte gent ke t'falá de y pa Deus tem karradas d'razão, sem-relev deste plebeisme... Mi, um'tem de confessá!, nunca um'oiá rio Nilo, mas o rio Nilo t'saí de nha boca tud dia y te txegá k'sê coração d'marja 'skerda de Sudão antigue p'oiôb y bejá bo ventre de prazer, bo espirte fervid ne mel de cana y gelo d'diazá na Mund...
Tud y tud gent t'esperá um dia d'sonho assim y ke Deus ô sê bokadim um dia t'bem ptá na cruz. Dia ke'é um moment d'temp k'ti te guytá sê hora sima hoje foi esperança d'ser manhã, y mais: sima menine k'fome t'uvi «cmida d'Onje!» y t'oiá um prôt d'catxupa txegá n'Maderal y ne sê barriga intxôd — ninho d'obra d'arte, gemidos em forma d'gent. Tud cosa é antes de ser o ke'é ne Mund.
Assim, se um'dzeb ke um'te amôb, um'te klocá tud nha'amor y nha ser no ke um'te dzê — não porke um'te kre dzel, mas porke ê assim mesm desde k'nô entrá y nô saí dakel jardim antigue, também txmôd paraize. Entom, nha alma ke nha'mor enbrulhôd ne Zoe te saí d'mi y t'entrá na bo, te penetrôb... te penetrôb fundo sima txuva t'entrá n'rebera y te cambá ne coraçom d'Mar, sima lêt d'mama freske d'mãe feliz te jorrá ne tud bokedim de menine akabôd d'nascê y te descobri consolo. Já bo k'te ser bo, mas sim mi-bo; y mi... Ah, Deus! um'te d'txá de ser mi pa ser bo-mi. Nô t'vrá y t'fká um tu-eu, um eu-tu, um nos-dos... sima Deus mandá kond El ptá nôs ne Mund ke kel ordem sabe, sabim y d'sêbura. Isto ê ke'é origem y razão d'gent de Soncent falá p'tud y pa nada num terra sab p'kagá. Mas sab p'kagá ê só o k'El mandá; não ê terra nem nação, é situação de sabura mandôd. Afinal, se nô pensá dret, ê sab p'kagá ke t'aproximá nôs tud d'nôs destino nascid. Isso é kond no t'abri boka p'falá de amor y p'fazê o ke Nô'Senhor mandá.
Mas s'um d'zeb ke um'te odiôb... y isse lí ê um kosa ton possível come ter Viana ne Éden Park y Matiota ne Caiszinho já depôs d'manhã! — o ke'é mesma cosa ke d'zê: vade retro satanis, i.e., ne manera de Sintantom, vai-k'nunca-vem! Mas s'bo uvil — tmê! T'mê, ke temor, trimura y terror. Nha ódio t'emigrá pa bô y bo t'estód morto antes de estód, antes d’bo txegá ne camim de 1888. É so um keston d'tempo. N'fim-de-conta, nôs tud ê um bokedim Deus kond nô t'abri boka y nô t'mudá vida de otê pessoa. Mas atençom: lembrá de Herodes y d'gent gentio — verme também ti te guytá... nôs tud. Elohim ke d'vê ser inkmodôd k'cosa feio, nunca.
Y isso tud p'um-dzê u ke memória d'gent antigue d'txá como legôd: o ke t'aproximá nôs humanidad de Deus ê palavra k'te saí de nôs boca y... sexo. Kel sexo k'dá-me y dôbe ess vida ke nô t'vivê. Ah, cosa sagrôd! Nôs língua..."
Sem comentários:
Enviar um comentário