benene

- Benene ka meste txeu, é ka pa farta!

Manba

N sa ta pensaba na signifikado y klase leksikal de palavra “nose”, anton ben na nha mimoria un oto : “manba”, un palavra ku signifikado badio.

Ka ten kuza midjor pa tra duvida, ke da un txekada na “maior disionariu di nos língua” (VEIGA, 2011). Mas ante nu odja kuzé ki "midjor Dicionário caboverdiano (variante de Santiago) - Português" de Nicolas Quint-Abrial  (1998) ta fla:

“manba [mã’ba]. adv. verdadeiramente, seguramente, certamente, manba bu sta konta mintira: certamente estás a contar mentiras. (QUINT-ABRIAL, 1998: ).”

Pa mi, manba [mã’ba] é adv., mas ku sentido de talves, kreke. Manba N ta bai la N ka ta txa-u.

Konbido pa palavra kreke, e kel li, na spreson terra-terra (Fidju-l kreki = Fidju de duvida, de parte de pai):

- Eh bo la fidju-l kreke (indiretamente, fidju-l puta).

Manbá, sta Konfirmado li sin na VEIGA (2011, 257):

ST	SV/OV	Obs Port
manbá	talvês, pusívelmente	adv talvez possivelmente, quiçá
manbá (-bu mai)?	manera ke bo mãi tâ?	exp como está a tua mãe?
manbá (-l ben)	talvês el ben	exp talvez ele venha

Dja go, du djobe se es Kreki sta rajistado na VEIGA (2011: 231).

ST	SV/OV	Obs Port
krê ki	talvês,	loc talvez
krê ki é ka si	ê posível k’é ka verdade	exp é possível que não seja verdade
krê ki é verdadi	kuaze é devéra	exp talvez seja verdade
kreiu, kreiu mê	talvês é verdade	adv talvez, provavelmente

 Kreke sta disionarizado sima lokusão: "Krê ki", nosé adjetivo é ka era mas kriolo... kreke mé!

 

 

Será ke du pode fla ma linguista QUINT-ABRIAL sta erado?

Nosé ku kuki

II.
Djam N sta borsedo na mundo. Xa-m sai na txada...

- Ei, é bo la menina, ranja ku mi.

- Nosé bu tene kuki (konke)?

- Nu ta ranja. Sakuta-me... sakuta-me, só un koxi.

- Anton, gosi é sin ke stado!

II.
Minino gosta de kuki kunpanhero.
- Mama, adja mano ta kuki-me...
- Ora ke el kuki-bu, da-l y bu da-l dreto, pa bu mostra-l ken ke mas grande. ka bu brinka ku el.

Kantu skola bu ten?

Odja li mi N ten Skola.

«Bu krê ajuda bu fidju ku trabadju di kaza?»
«Bo krê midjora bu abilidadis?»
«Bu krê ajuda bu fidju ten susesu?»
«Si sim...»

Dja-me N lenbra, ami N ka ten skola, ken ke ten skola é Stado.

Na Tope

... Foi no coredor. Ele pintchou-me primero, eu tambe pinchei ele com mas força, caiu de costa e quebrou a cabeça no totiço. Não foi de caso. Até já eu pediu desculpa.

Na tope = no toutiço.

Si bu ka kurti: baxa bu panha

Anton onte bu ka spera djanta: "bu baxa bu panha", kanto N djobe-u ka ten-bo!

Agó, ben feto: bu drume ku "boka ruso".

É konta bu txiska!