22.2.09

KOJITU, ERGU SUN

Na dia Internasional di Lingua Materna, Aguinelo Montrond ta (manda?) publika es "Dedikatória: N ta didika es reflekson pa tudu kriansas di Kabu Verdi." na A Semana online: N pensa txeu anti di sita-l e da-l es dos coments... pamodi mi N ka kriansa... es dedikatoria e ka pa mi. Pa otu ladu, N ka sa ta odja "kriansa" kapas di le es testu kontramas entende-l ... Ma komu e un dedikatoria sta karagadu di boas(?) intenson y algun informason util ki meste ser dadu divulgason N ta postal li, ku dos kumentariu y dos PS:
1. "Úniku manera pa nu ivita ki linguas kontinua ta dizaparse e ofisializa-s." Ora ki NhoMontrond ta skrebe frasi di kel li so e pode sa ta brinka... se ka brinkadera el debe splika/skrebe kuze kel kre fra ku es afirmason, si e ki es frasi ten splikason. Pamodi nu ten un fatu ki ta kontraria-l: kriolu di Kauverdi ka dja ten mas di sinko sekulu sen konxi ofisializason (sin marginalizason) y e ka dizaparse. Nu entantu so gosi ki el sa ta ben ofisializadu pa otus motivu.
2. Nho Montrond meste kontextualiza es "piskin" istu e, pa el fra napunde kel panha-l, enfin konfirma se fonti. "Mesmu kuza sinaun pior, ta kontisi na nos admnistrason públika, na alguns skólas prufisoris ta papia só purtugês y as vezis ku érru própi, y sugundu rumoris, mininus ki tenta papia na Kriolu ta obrigadu papia na purtugês y as vês es e até kastigadu ó punidu disiplinarmenti." Li sin kulpa e ka di prusoris si ten kulpa e di Guvernu e Ministeriu di edukason. Ben e kazu pa N fra me sin ki Nho ta kori risku di "anonimus" kai riba del. Nho kontinua ta skrebe en defenson di Kriolu (kriolu e ka e Kauverdianu).
N ta ratuti: N kumenta es artigu y N postal li pamodi es ta pejadu di boa(s) intenson.
PS: 1. Nho Montrond e Prusor(?). Ka Nho kulpa "prufisoris pa erus di sistema". Não é que o Senhor Montrond estudou em Cabo Verde(?). Foi (é) vítima, mas hoje é um Doutor. Nós também queremos que o nosso SISTEMA de ensino e aprendizagem melhore. Resta saber matutar como...
PS: 2. "Ovelha" e ka e "karneru". Na kriolu ten karneru matxu, ten karneru femia. Nho Montrond dja sabeba el, ma dexa-m fika li pa N ka bira "obedja negra" o e "obeja pretu".

Sem comentários:

Enviar um comentário