Sem Rexa!

Sem Rexa: La(ba)nta nos Idioma!

  

"ORANJESTAD (AAN): Recientemente den Centro di Bario Noord, a tuma lugar celebracion di 10 aniversario di oficialisacion di Papiamento como idioma.

Sra. Joyce Pereira, Presidente di Fundacion Lanta Papiamento a splica cu aña aki ta aña di Papiamento, proclama desde principio di aña pa celebra hecho cu 10 aña pasa, Papiamento a bira idioma oficial na Aruba.

E tabata un fiesta double pa motibo cu Fundacion Lanta Papiamento a cumpli 4 aña.

Sra. Pereira a menciona cu e idea di henter aña di Papiamento y metanan di Fundacion Lanta Papiamento ta cuadra cu otro, pasobra e meta mas importante ta concientizacion di pueblo riba balor di idioma materno, idioma oficial y idioma nacional di Aruba.

Fundacion Lanta Papiamento ta celebra e aña aki cu hopi actividad y nan tin mas na caminda. Sra Pereira a bisa e Fundacion lo sigui promove bon uso di Papiamento, conocemento riba e idioma, pa asina por tin un actitud mas positivo riba nos idioma materno."