Tl: Bo le es testu bo ka intende-l?Nhes gente. Oces já oá esse. Um tal d'snhor Montron t'tanda t'inchná mnins fí d'cobeverdian ne Merca criol.Um te sperá ma peis de Sentonton n'di t'manda ses fí p'esse scola. Cis queidod q'esse pode ser um scola moda quel d'Lela Peson de quel temp. Cis oá que esse alupek t'te bem atrasá ossis fí. Geroçon ftura t'e bem fa ca més otrosade. Nôs de Sontonton flizmente sempre no precia um bom potuguês e bem folode. Sis n'oá quonde Sr. Ministre fala criol, inde més criol de bedí, nes ineguroçon qu'és tem vinde te fezé nô n'dem tocode palma? Um "ministre" te falá bedí ne Sentonton, em vez de falá português? Onde ê que se viu equi nésse ilha elguem impurténte falá criol ne descurs einda més criol de bedí? Sr Ménel Veiga tont é que oce t'paga esse tal d'Montron pa atrasa fí d'cobverdian ne Merca?
R:
Tl:Pamode el ten eru sintatiku?
R:
Tl: Pamode el ten eru semantiku?
R:
Tl: pamode el ten eru ortografiku?
R:
Tl: Si e ka ten nenhun eru kal kel mal di skrebe asin!?
R: Ate pode serba asin, ma... ben, en primer lugar un kriol ten ki skreve... dspos ta ben kes regrinhas pa Kauverdianu pode le. Ne di vera (o e dvera?)
Oi!
ResponderEliminarN ntende-l dretu.
Mensaji sta eivadu di alienason, bairismu duentiu i prekonseitu.
Anónimo, mi ki fika sen ntende nho, pamodi nho ka splika es frazi "Mensaji sta eivadu di alienason, bairismu duentiu i prekonseitu." Ma si nho sa ta fala di kumentariu di Tliscop N ta atxa ma e ka ten nada di "alienason", nen di "bairismu", so un kuzinha di "prekonseitu". El ten fetu mas e perguntas indireta?
ResponderEliminarRepara ma Tliscop a)skrebe varianti di kriolu sima ki el ta papia ku alfabetu purtuges i son di variantis ki el ta papia("...peis de sentonton" i "bedí ne Sontonton"). Purtantu un skrita etimolojiku; b)Skrebe Kauverdianu e ka skrebe un varianti di kriolu. Lingua Kauverdianu ta ben ser un Lingua Segundu, ofisialmenti edukadu pa tudu Kauverdianu pode le-l i skrebe-l... Falta inda monti kaminhu, mas dja faltaba mas txeu.