3.1.09

Nho Montrond, anonimu e algen ki e ka ningen

Kumentariu di un artigu de Aginelu Montron ki Liberal ka publika. Pamodi?
Gostei: Sem Opiniao ... Concordo:Sem Opiniao ...

Anonimu e argen ki sta trás di karkel kuza ke ka kre po se nomi batismu o di rijistu.
“Nho Montrond, Es kumentariu di kumentarius ta panha es "Puema" di Nho di trobesadu. Pamodi supostamenti N debe staba ta kumenta-l. Es "Puema" e bunitu me - el ten arma di burkan spritul manekon, ma se kabesa e ka e nau. Ma Liverdadi na tudu kuza e bunitu... Suma liverdadi di kumenta sen po nomi nen ritratu nel. E otu liverdadi. Nho pensa: txeu bes argen ka ta kre poi se nomi pamodi tanbe un manera di fika livre di rasebe rasposta di "fundamentalistas" na se kaxa di kureiu ... evita monti bran-bran... Anonimu ka kre mas e nkontra ku amigus pa es fra-l "uaaa! N gosta txeu di kumentariu ki nho faze kel artigu X, Y, Z.”

Anonimu ka ten PARTIDO ningen ka ta txuma-l pel ba tuma se parti na nun kabu! Luga di responde anonimus e li me, sima ki nho kaba di faze. Sertu! difamason o otus kuzas menus katoliku si publikadu anonimu me ta odja-l , si e di sinti brigonha el ta xinti-l. Anonimu tanbe ten brigonha. Purtantu, li ka debe mestedu "pakoti lejislativu" nen pakoti ninhun, sobretudu keli ta tadja o limita anonimu di manifesta y partidja se indignason.

LIVERDADI E LIVRI NA KABESA DI KADA UN. "N ta didika es vérsus a tudu fantasmas sibernautas naun identifikadus y tudu kes otus patétas anónimus..." Di tras di un anonimu sta un argen ki ka kre po se nomi pontu final. Si e ka po se nomi e pamodi e pateta? Kralu ki na! "Ningen" ka ta pensa ma sintidu di pateta ki sta na kabesa des "Puema" e kel ki Nho skrebe na kumentariu pa difeza di ofensa, ki nu fundu tanbe e ka e ofensa. Ago,na Kau Verdi "pateta" adijetivu signifika tolu, dodu... nu fundu kuza ka dretu ligadu pensamentu o ason. Pa otu ladu, kriolu toma palavra "pateta" na partuges bedjul mundu y ku mesmu signifikadu "pessoa pouco inteligente" .
Finalmenti, kudadu pamodi di tras di un kumentariu asinadu pa un argen anonimu sta un argen. BON ANU, Nho Montrond. Et”

Sem comentários:

Enviar um comentário