30.11.09

Planu Nasional pa Alfabetizasãu na Lingua Kabuverdianu...

Di fatu, es Suspense sobri (nãu) ofisializasãu di nos lingua-maternu sta dixa tudu kabuverdianu sintidu...
Bon, responsabilidadi e di AN i diputadus di opozisãu... Sta subentendidu ki paicv-governu faze tudu. Tudu go e kuze?
Ideia debeba ser ofisializa Lingua Kabuverdianu, i pontu final. Era pa ofisiliza lingua ki ta papiadu pa Kabuverdianus. Tudu kabuverdianu ta papia LKv. Repara, ago e ofisializa tudu varianti... mestedu mas splikason!
Si eufemismu tudu ben... Mas kantu funsionariu publiku ki ta skrebe Lkv? E klaru ki ka ta konta, pamodi es funsionariu ki nu ten oji ka prende skrebe LKv, ka enxinadu skrebe LKv, ka mandadu nen obrigadu skrebe Lkv - nen na se forma etimolojiku nen ku es nobu alfabetu.  Ta ben ten un gerasãu ki ta ben skrebe dokumentus ofisial na  LKv  ESKLUSIVAMENTI, ma ta DURA. I tudu nos sabe ma e sin i ki ten di ser asin. 
Ago, sen tuntunhimentu, Nu meste mas e un Planu nasional di alfabetizasãu na Lingua Kabuverdianu... Sta na Konstituisãu: " o Estado deve criar condições..."

Sem comentários:

Enviar um comentário