8.12.12

Lobo Ku Xibinho



Era un bes Lobo ku Xibinho
   Na kel tempo, fome era preto. Xibinho ta andaba pa tudo cabo ta djobe kuza-l cume. Um serto dia, na boka-l tarde, el staba ta pasa djunto de um poso, el encroca el djobe pa dento el odja um kejo la na fundo ta boia riba de ago, logo el frega mon i el sarta de contentamento-, «N ta mata fome gosin». El entra na balde el dixe, mas canto el txiga fundo el spia pa riba, el fra:
- Ah nha madrina Lua, nha ngana-m!

Xibinho duzusperado pensa na se avo ke ta fraba el ma fome ka ta mata suma ngana cume. El lenbra kes consedjo de gentis grande... ah sin sabeba, konsedjo de gentis grande ka ta minti! Ami, sabido sima corbo:

- Ah, Xibinho, gosin go ka bale pena bu pensa na bu avo ke more fogado na bolonbolo... Ah nha madri...» mas antis de el caba fitxa boca dreto, Lobo parse, balonbolo?!
- Abo, Xibinho! Dentu-l balde?! Nose é ka nada?
Xibinho ku vos nfastiado, ndogado, forsa tres rotadura:
- Ah nha tio, N sta farto de kejo. N stá ta discansa dento balde pa N ka modja pé, sinan N ta constipa nha cabesa.
 
- Xibinho, inda ten mas kejo? Kejo só tamanhonzon, é ka-simé?
 
- Kejo ke sta li ka ta caba ku dos cantiga...
 
 Ku es fome ke N tene! - Nho Lobo ku se fome torna lascado, canba na balde.
 
- Nha tio, nho ka meste raganha boca, nho garda modjo pa nho bem po na kejo.
Nho Lobo ka kré ku sabe, el sa ta odja tempo ta pasa el fra dento del, - «manba kel kejo caba, ante N txiga nel».

 Canto Lobo da conta ma sima  es sa ta dixe Xibinho sa ta subi, el fra Xibinho:
- E sin prope, ba! ba ta ba Xiiibinho -, « kejo ke fica li é só de mé»
Xibinho canto el sta la riba, rekomenda-l:
- Nha tio, ora ke nho ka farta, ka nho diskisé de spia pa riba.


(...)

Sem comentários:

Enviar um comentário