12.10.11

Kamarada, Skrebe Kriolo ka tene futuro...

Instituisões, kuzé ke sa ta pasa ku nos Lingua Materno e Nasional?
Segundo definison de UNESCO Lingua ofisial é "a língua utilizada no quadro das diversas actividades oficiais: legislativas, executivas e judiciais".
Ningen ka ten duvida ma na Kabo Verde Kriolo é lingua de interason sosial de komunidade. Na Kabo Verde, entre kabuverdianu, Kriolo “é a Lingua!”
É na Kriolo, ke as ves, ta papiado na sesão de Asenbleia Nasional tanto pa deputado Nasional komo pa governo; na tribunal, depoimentos intervenson y dialgo na sesão de Justisa (y na skuadra de polisia) ta dekore txeu bes na Kriolo. Es é fakto konprovado y konprovavel.
Sabedo ma “trasnkrison ortografiko”de kes intervenson y dialgo ta ser feto nun AK o na un skrita etimolojiko kalapitxado. O é ka sin?!
Falta-nu seta AK ku ses Prinsipios y Regras, pa Skrebe Kriolo. Pos, pa kel li kontise  mestedo kumensa ta sosializa AK e forma sistematiko entre kabuverdiano ki ta lida ku skrita de nos Lingua… enkuato kel li ka kontise, kada kabesa se forma de skrebe.

Skrebe Kiriolo ou Skrebe Lingua kabuverdiano? É kel li ke keston de fundo.

1 comentário:

  1. Bom dia, ami é português i nkre aprofunda konhecimento na nhos lingua. Nho sabe undi kin podi atxa um gramática kauberdiana badio i sampadjudo num loja ou pa fazi download? Kontacto di meu é jorgemcordeiro@live.com.pt

    Obrigado i bom dia!

    ResponderEliminar