“ - A ELECTRA NÃO É MAI DE CADA UM “ OFFER SEI
Tudu nos nu debe paga mas es TACHA pa ASIONISTAS DI ELETRA ALIMENTA SES TACHU.
Nos deputadu sta nes ora, 16h di 1 di julhu, ta diskuti tacha di iluminason publiku. Klaru ka ten argumentus pa txiga un akordu entri kes dos forsa maior.
Es tacha nu debe paga-l si parlamentu Kv aprova-l. Naturalmenti u povu e ki paga, retirandu mas uns sentavus di u salariu ki e fixu i magru: korta na konviviu serveja ku marlboru, fasi, faze-m lenbra di VB, a propozitu di propina!
Ago, es taxa sta mal kalkuladu pamode kenha ki gasta mas na se kaza e pamode el sta dentu di kaza - el tene konputador ligadu, el tene televison ligadu, el tene ventuinha ligadu pa el djuda-l ku kalor … entri otus eletrodumestikus. Kuzas nesesariu pa bem-star di kada família.
Diputadus ki ta apoia FAMILIA debe lenbra ma ora ki un konsumidor sta dentu di se kaza signifika ki el sta ta da apoiu a se família, el sta ta ler pa djobi/invistiga midjor manera di ser un futuru enprendedor (blida di odju des Guvernu)… Un xefi di família dentu di kaza el ta gasta mas inerjia pamode el sta trabadja i si el sta trabadja el sa ta kria rikeza e ka debe ser penalizadu.
Pur otu ladu, si es sta dentu kaza e ka ta benifisia diretamenti di lus na rua. So pur isso es diretiva di paga lus di rua di akordu ku konsumu faturadu sta MAL… un taxa segu!
Lenbreti: Sera ki diputadus skesi ma lus ku agu nu ta paga-s sugundu un skalon. Agu ku lus, ora ki pasa kel minimu kalkuladu pa kada konsumidor, minimu ki iletra ditirmina di forma segu, di se livri vontadi, diga-se, konsumidor ta paga mas karu pa tudu konsumu fetu. Iletra justifikaba ma es akresentu e pa obriga konsumidor popa…
Un disison unilateral i diskutivel... ma dja sta dja!
Tacha di iluminason publiku dretu, justu e ka kel ki ta inforka Kauverdianu o el kre o el ka kre.
Es tacha era justisimu si el fose kalkuldu au kontrariu: gasta mas en kaza paga menus tacha di iluminason.
Karu Offer, … nos tanbe NU KA E BAKA DI ELETRA E KONPANHIA ASIONISTAS!
Kel omi nhu tem algum razóm, mas nhu falta pega na otu pontu: ora ki alguém bai rua na sukuru. Nhu ta xintio maz suguru ku luz ô sem luz? Nhu ka ta pagaba pa tem luz y pa nhu podi anda maz dizkansadu?
ResponderEliminarKaru Amilcar,
ResponderEliminar-Tankiu!
Pur izenplu: um mi: nha salariu es anu dja e ka ta omentadu, dja el e kurtu... si guvernu aplika es tacha, mi e obrigadu a paga-l, konsikuensia, nha MAI e prumeru prijudikadu.
SUblime es frazi "ELECTRA NÃO É MAI DE CADA UM" ditu pa es diputadu, na radiu di parlamentu pa tudu kauverdianu obi, peranti senariu di nãu apsovason di es lei "arbitrariu", ki sa ta ser fokadu nes post. Dja go, pa ki jerason pos indipendensia, es diputadu sa ta vive di e na pulitika desdi 75,stere bai, logu ku speriensia bastanti, pa sabe ma nomi "mai" e mas ki nomi di deus, ka ta invokadu en vãu. Inda, el sabe ma kauverdianu e ka tudu ki ta uza okru marelu o verdi, istu e, ma ten kes kauverdianu ki ka ta uza okru, uns pamode ka meste-l otus (es ta odja ben) otus ta uza-l so na dia di votu.
... Nomi di MAI e sagradu, pesoal i ka ta inpistadu... suma Amilcar, omi di Somada, sabe : Mai ka pode sirbi pa faze kalker konparason, en sirkunstansia algun!