Un sertu dia Xibinhu ba konsulta i na ta ben el ranja se karni el poi na un bolsa. Na kaminhu el nkontra ku Nhu Lobu.
Unde ki bu atxa karni? Nhu Lobu odju ragaladu na bolsa inda sen kunprimenta-l, boka ta baba, pergunta-l:
- Undi e ki bu atxa karni?
Xibinhu, sima e avizadu, pa salva se bolsa di laskadesa di Nhu Lobu, responde-l:
- E dotor, sima ta konsulta-m el ta da-m ku po na kabesa karni ta ta sai. Es e karni... Xibinhu mostra-l bolsa - ki sai el po-m el na bolsa pa N ben ku el.
Nton Lobu e si si laskadu, kel ora dja e volta pa kaza el fla si mudjer pa da-l ku po na kabeça pa podi sai karni. Si mudjer arma rakuza... bu fla karni!?
- Da-m ku po na kabesa ti kani sai - Lobu ta insisti un bes bai.
Mudje ranja se bon po di manduku e sai na da Lobu ku el, i sima el ta da-l ku po, Lobu ta purgunta:
- karni dja sai?
Mudjer ta fla-l nau... nton Lobu ba ta fla-l pa da-l mas rixu, te ki karni sai pa almosu pa sobra pa djanta.
Lobu toma po to ki e ka pode nada, ki e bira ta fla si:
- Daa ixu, da ixu ti kaine xai, daaah iiixu…
Nton Lobu na si kadera largu i na se bureza pidi po, pidi po, pidi po, da el ba mori dun bes!
Sem comentários:
Enviar um comentário