NA LIBERAL KA TEN SENSURA

Caro Administrador do Liberal,
Como leitor e “comentador” dos artigos de opinião que são publicados no Vosso Jornal gostava de saber, se possível, os motivos pelos quais alguns dos meus comentários ficam por publicar. Os meus comentários, ao que me parece, não ofendem os articulistas nem o Liberal. Por exemplo este a seguir sobre “ALUPEC DJA PARI!!!” . O meu e-mail é verdadeiro e identificável. Se me apontar alguma “desrespeito” e ou exageros na linguagem poderei doravante “corrigi-los”. Aguardo resposta da V. Exª no meu e-mail etelvinogracia@gmail.com

Dotor Marsianu,
Dja nu sabe ma Linguista e ka Pulitiku!
Di fatu du meste skrebe na nos lingua materna ma tanbe nu mesti argen pa lere-nu nos testu y pa konprende-nu el. Nho sabe ma skrebedoris normalmenti e quatu gran y leredoris di testu skritu e un mundu… e nho sabi pa otu ladu, ma skritoris es e primeru leredoris. Purtantu, e es leredoris ki e maioria y ki ka foi konvidadu pa es kulokiu pabia es ta ku kel diskursu di “N TA ATXA” baziadu na ignuransia, manias, kaprixus, alienason, bairismu duentiu o otus dejenerason di menti umanu. Es tipus di “N ta atxa” ta njua un spiritu nobri i abalizadu na asuntu”. Ma es maioria ki ka txumadu pa es ka “ ATXA” y nen ka TRAPADJA era inpurtanti es ka debeba ser ignoradu kantu mas dispreziadu pa “un pulitiku” ki kre valoriza se lingua ki e o mesmu tenpu lingua di un Nason/Stadu indipendenti; na midida ki e es maioria di leredoris, ki ka ta fuji di paga impostu, ki ta poi ta tra ta torna poi e ta torna tra… klaru tudu kel li em Democracia!
Es inpurtanti Kulokiu ka teve txeu publisidadi y nos nu ka da konta del en tenpu. Si nu daba konta nu ta migaba un luga inda ki nun kantinhu sakundidu undi nu ka ta inkomodaba es dotoris di “es spritu nobri”. Ah, tanbe du ta txekaba direson di bentu.. . sin nen txeru e ka ta ta xintiba. Kurpa e di nos alienason… mas dja pasa!
Ago ki nu fika ku ngana di staba la du fika sin. Nu fika ku vontadi di sabe mas sobri el… ki rakomendasons seriu ki sai na fin?.
Nho Marsinu, dja ki Nho ben da kara pa es Kulokiu… nos nu ta gradiseba si Nho pidiba permison pa nho skrebe nomi y obra sintifiku y napunde ki sta publikadu di kes gentis dotoris ki partisipa na kel kolokiu li ki e pa tudu nos fika ta sabe es e kenha y sobretudu pa nu studa-s ses obra, pamodi so des manera ki nu ta pasa , nos tambe, ta kultiva “es spritu nobri i abalizadu na asuntu.” Ke bunitu! Nos nu pode torna abalizadu. Nos nu kre prende pa nu pode kontinua ta atxa ma stribadu nun pensamentu di laxidu. Nu kre dixa di ladu karkel sonbra di duvida ma nos nu ka e bengala di partuges!
Otu "kusa" o e otu "kuza", kenha ki ka konvidadu pa es kulokiu e ka pamodi e ka sprumenta ALUPEK suma ki nho skrebe... mas sin pamodi sala era pikinoti. Y un kulokiu e ka un asenbleia, naturalmenti.
Ago, Kauverdianu ten ki abri Menti pa seta ma ALUPEK ten di ser implementadu pur Dikretu-lei, naturalmenti y sen krize. Guvernu debe asumi es puzison. Manda. Sin manda! Suma kel manda publika Deklarason Universal di Direitus Umanu ki tudu algen toma pa a le, ministeriu di idukason debe manda fra ki na anu ki ta ben, na tudu jardin infantil y na tudu skola basiku, kriolu ta pasa ta ser tanbe lingua di prusor y alunus na ta skrebe pamodi papia dja es sabe…. Delirius, publika tanbe B.O na ALUPEK, patrosina publikason di jornal na ALUPEK, obriga povu ler na ALUPEK… es izenplus di maneras entri otus maneras menus katoliku. Enfin, es e midjo getu di tudu kauverdianu pasa ta skrebe na ALUPEK ku regras e sepsons.
– A nha maaaa! Ko fra-m go ma na ALUPEK tanbe ten es kusas xatu ki purtuges ten: REGRAS KU KU SEPSONS.
Djan diskiseba di purgunta, dja ki “ALUPEC dja pari”: si mininu e matxu o femia? y Kenha ke se pai? Ken ke pai so ta faze xintidu pabia ALUPEK e ka kazadu y e pari dentu kasa.