Si e ka skrebedu, pa ken ki sabe skrebe (kenha ke mestri na skrita di Kauverdianu?) e ka ten valor ofisial. A prupozito di es notisia di Visao News - Noticias de Cabo Verde - Angola - Guine Bissau - Mocambique - Sao Tome e Principe - Mundo: undi sta lapidu es sitason "'Ter duas línguas oficiais é demasiado para pequeno país', defende Ondina Ferreira" enkuantu opinion di un Filologa, ki ta odja kriolu ku un odju Filologiku, nu ta valoriza es ideia ki sta nes frazi del, pa otu ladu, nu ta fika tarantadu ki un Kauverdiana, ex-Professora no ISE (raformada)- sin Ex- Professora, pabia si N skrebe ex-pusora na Kv ta soa mal nu Português - ki konvive di pertu ku prublemas linguistikus di alunus, tantu na ora kes ta entrada komu na ki es ta sai, ta fla nãu a ofisializason di Kauverdianu ku argumentu di tamanhu di pais. Certamente a Professora sabe que alem dos Cvs residentes temos também Cvs na diáspora que falam um Crioulo e mais que esse Crioulo tem sido objecto de ensino, inclusive em Portugal, enquanto Língua falada em Cabo Verde. Dito isto, pergunto:
- Ago, si nu ka pode ten dos lingua ofisial, ki soluson nu tene pa da falantis konpitensia na Purtuges? (dja dobedu ma ka atxadu inda, te kuandu?)
- O sera ki inda nu sa ta pensa ma lingua ki ta papiadu na Kauverdi pode ben ser konsideradu ofisialmenti Dialecto do Português, Dialetu ntendidu nes konseitu"Dialecto é sempre uma variedade de um determinado sistema linguístico reconhecido oficialmente como língua. geralmente considera-se dialecto de uma língua a variedade linguística que caracteriza uma determinada zona" ?
Mas, Kimika, ken fra kimika fra Storia, FPS, ets., pode ser spilikadu na kriolu. E un fatu, na skolas sekundarius txeu bes prusor ta puxa di se kriolu pa faze alunu intendi konteudus di tema di aula, es kriolu tantu fas si e kriolu di JB o di EP, MB, maaaa na faze teste, escrevido o falado, ten di ser em crioguês, obrigatoriamenti, so pamodi alunu ka ta dumina skrita di Partuges. Otu, fatu indizejavel, e ki tudu prusor ten ki le esti texti debe avalia-l komu si es sta skrebedu na mais genuinu partuges... atenson sen diskonta na nota! Mais na digo...
- Minis, nhos le pa nhos pode faze opinion ku argumentus!
Sem comentários:
Enviar um comentário