Kan, n. 1. baziu, luga sen nada. Na djogu di oril ora ki bu kai kan bu ta perde. Ka bu bai pa bu ka panha baziu!
Karan, n. 1. Peli di kara en partikular, ma tanbe di korpu en geral, sen nada riba do korpu, sen ningen, ki ka ten nada ki e di sel. El e el so, karan! Mudjer largal so ku un ropa na karan di korpu. 2. Peli. Spia-l na se karan di rostu bu odja ma el ten peli (karan) finu.
Kran , adj.1. Klaru, linpu. Kantu manxe kran N labanta y spia pa seu linpu, staba azul sen ninhun fiapu di nubri. 2. Sen nada. El da-l kuskus kran pa el kume. 3. Seku. Kantu se pa(i) more se odju staba senpri kran, nen un lagri! 4. N pasa noti kran = N pasa noti kordadu, sen durmi.
E louvavel es sforsu di resgata es armarius spiritual/mental di nos kultura.
ResponderEliminarLeitor dja rapara ma ti ki le algun di kes palavra la, algun momentu di se pasadu ta reaviva - se pasadu ki fika markadu pa es palavras?
Na verdadi, lingua e kultura - i kada palavra se padas. Nu debe konserva-s!