"(...)
Enbora el sabe ma ALUPEC e un alfabetu ki ta sirbi pa
skrebe tudu varianti di lingua kabuverdianu, diskaradamenti el ta afirma ma
alfabetu kabuverdianu ta sirbi pa skrebe so varianti di Santiagu.
Dizavergonhadamenti, nun asomu di rasismu, el ta batiza alfabetu ofisial di
“tropikal”. ----§---- El ta konta
mentira ma alfabetu kabuverdianu ta ben substitui “alfabetu etimolojiku” sima
ki algun dia Stadu ofisializa otu alfabetu kabuverdianu diferenti di es en
vigor. Es li e primeru alfabetu kabuverdianu ofisial di manera ki e mentira
afirma ma atual alfabetu kabuverdianu substitui otu alfabetu kabuverdianu.
----§---- Oh omi di Deus, bu sa ta ser atrevidu ti ki bu ta kre inpidi
Kabuverdianus uza ofisialmenti se propi lingua na se propi txon! Mas un bes, bu
da-m razon kantu N afirma nun artigu dimeu publikadu na jornais di es prasa
resentimenti ma grandi parti di defensoris di rejionalizason e Purtuges pa
dentu i Kabuverdianu pa fora.
(...)"
Sem comentários:
Enviar um comentário