8.2.13

Par ó none?

- Du bem brinca "par ó none!"
 
Ora ke du lembra de tempo de criansa: tempo de brinca par o none? Nes brincadera du ta panhaba tres pedrinha ó tres simente de tambarina, ou tres gran de fijon (na cazo de uza fijon ou gran de mindju, gentis grande ta fraba: cumida ka ta djugado!; ó ku cumida ka ta brincado!).
 
Es brincadera é sim:
 
- du ta fitxa na mon tres pedrinha, ngatxa kes dos mon na costa pa faze divizão i dipos ora ke du dividi, ku mon fixado du ta mostra kel dos mon cruzado pa frente e du ta purgunta: Par o none?
 
- Kenha ke du sta djuga/brinca ku el ta mostra na kal é mon ke du tene par, el ta fla "par!";  o na kal é mon ke du tene "none", el ta fla "none!".
 
- Se el serta é el ke ta djuga. Se el ka serta é um zero. Kenha ke du sta djuga ku kel só ta djuga ora ke el serta.
 
Nota: es djogo/brincadera també du pode fla na inisio. "kada kenha ta djuga se bes" ker dizer, mesmo se djugador perde ó el ganha, é ka ta perde se bes de djuga. Nes cazo li tanto du pode tem dos a zero ó um igual na primero roda...
 
Nhos sprumenta es brincadera ku nhos fidjo, se el tem mas de 4 ano. El é  dibirtido é ka ta kusta nun tiston.

Sem comentários:

Enviar um comentário