Ora ke no sai de kaza, no da dos paso no ta obi gentis ta papia, mesmo ke es ka sta papia ku nos nu ta obi-s na ta bai. Anton, onte N obi un sinhora ta fla: "kaprizo, bu ka ben atxa-m pa du ba..." Es palavra "kaprizo" fika-m na kabesa ta djobe signifikado... Sima N ka ome de sakuta konberso de algen N ka para pa N sakuta undé N ta poi es "kaprizo" , un palavra pixado de kultura, ku se signifikado na nha mimoria. Ami, falante de kriolo, N bai ta djobe na ke situasão ki dja N kustuma-ba obi es palavra, un arkaismo li na Praia. Na ta tra de sintido, ben un oto arkaismo se kunpanhero... "Prizé", sinonimo de "kaprizo". Ago kal ke é etimolojia des dos palavra?
- Ka nhos rabenda-m, ami é grande!
Sem comentários:
Enviar um comentário