25.9.11

Deus libra-u de boka fede!

Benson: DEUS libra-u de boka fede!
Marcos Fonseca partilha ku nós es gravason  de diskurso ke “Primêr Ministre fazé na ONU discurse istórico em criôl .” e el reforsa nun testo skrito pa pode ser mas tarde lenbrado: “Primêr Ministre d' Cab Verd José Maria Neves fazé um discurse istórico d' treze minut tud na criól, ónt (24) na Assembleia Geral número 66 d' Nações Unidas, diante d' Chefes d' Estad e d' Guvern d' mund inter.”
Leitor pode odja ma es “ortografia” de Marcos Fonseca sta na variante de kriolo de barlavento, enbora é ka sta skrebedo de akordo ku kes  regras y prinsipio instituído pa ALUPEC, el é lejivel y konprensivel pa tudo leitor kabuverdiano alfabetizado .
Nes ato, no ta rejista sibolikamente es atitude de sidadania de nos prumero-ministro de Kabu Verde – PAPIA KRIOLO PA MUNDO OBI - un demonstrason ma el ten un Pulitika Linguistiko klaro pa Nason Kabuverdiano. Agó, proposta de padronizason ortografika de Lingua Kabuverdiano sta na nos mon y na nos intelijensia.
Primero-ministro ta justifika se intervenson na Kriolo, pelo logos, asin:
“(…) N sa ta diriji pa nhos na Lingua kabuverdiana, na Kriolu de Kabo Verde. N ta pensa ma é prumeru bes ke na asenbleia de nasões unido sa ta kumunikado na kriolo de Kabo Verde. N sa ta faze-l pa partilha ku nhos es jenuino patrimonio de umanidade ke nanse na prinsipio de sekulo kinze y ke de akordo ku alguns linguista y storiador el é Kriolo mas antigo de formasão euro-afrikano na kontesto atlantiko. N deside kumunika na kriolo kabuverdiano pamode é Língua, é kultura, é storia y é mimoria. Tudo língua é spresão de pensamento de tudo kuza ke nu sabe y de tudo kuza ke nu ta faze. Lingua é seguramente spresão de un sivilizasão. Asi, ó ke N ta uza Kriolo de Kabo Verde na mas importante tribuna de enkontro de xefes de Stado y de Governo, N ta faze-l ku konviksão ma kriolidade é un valor antropolojiko de tudo Umanidade y, N ta faze-l inda, pa destaka na el nos kabuverdianidade, nos alma, nos manera de ser, nos ethós y nos pathós kabuverdiano. Un kabuverdianidade ke é rezultado de un kruzamento de txeu povo na mundo y ke oxe ta konfigura na un sinteze y na un enkontro de sivilizasões. N ta faze-l inda pa N presta des tribuna un vibrante omenaje a Aristides Pereira, primero prezidente de Kabo Verde y grande konbatente pa liberdade y pa dignidade de Umanidade ke kaba de dexa-nu na terra pa brilha na seu de tudo mundo (…)”
Obrigado por ter divulgado "O BLÁ BLÁ BLÁ DO ZÉ MARIA E OS SEUS... " . Não aceita a ortografia alupekiana com muita razão. Mas, aceitar a voz da nossa Identidade Nacional... que só lhe fica bem...

Sem comentários:

Enviar um comentário