Signifikadu y sinonimus

Baskudja, v. 1. Spia (ngatxadu ou nãu). 2. Mexe sen otorizason. Bu pode baskudja dretu! 3. Raborbe. Nhos pode raborbe, nada ka sta la!

Kroku, adj. 1. kenha ki ka gosta di da nada. 2. kurundin o tanbe karundin. Kenha ki ta guarda un kusa kalker baxu di se odju te staga y el ka ta da kenha ki meste. 3. bara kroku= tortu, biradu pa txon.

Djagasi, v. 1. konpo. Txiga pra la bu dixa-m sinta. Djagasi!

Djazi, v. 1. Faze txiga. 2. Dividi. Si ka txiga du ta djazi. Bu meste djazi ku bu konpanheru!. 3. Popa. Djazi es kume pa el pode parti. Oji krizi e jeral, tudu kuza e pa bu djazi.

Djatu, n. 1. Gritu. El da un djatu y el puxa se txada koina gentis spadja.

Djanguri, v. 1. Bira miodu. Ropa nobu o ki bu labal el ta djanguri. 2. kria ruga. Nha ropa el koze-l tudu djanguridu. 3. Bedju. El gosi es ta bedju djanguridu.

Djangoto, v. 1. Baxa korpu na vertikal pa riba djuedju sen po kadera na txon. (do port. agachado). 2. Ngatxa. Djangoto li sin Ze ka ta odja-bu. 3. Sentensa: Djangotodu ka ta po na ragas. (= mi tanbe N ka pode. N ka ten pa... N ka pode pa ... N sta sima bo!)

Djuguta, v. 1. Luta sen serteza ma ta atxa. Ale nu li ta djuguta pa vida. 2. Djobe kuza ki sabe undi sta nen si sta. 3. Baskudja.

Ndjutu, v. 1. Poku. Bu N sa ta ndjutu? Bu sa ta atxa-l poku? 2. Uzadu nu kotidianu pa fla me ka e rialmenti poku. Kume ki bu ndjutu ki ta farta-bu! 2. Fraku. Mininu N ndjutudu. 3. Menosprezadu. Bo e xefi ma tudu funsionarius ta ndjutu-bu, un xefi disruspetadu.

Nkroka, v. 1. kurva. Dja el nkroka na txon. 2. Gatxa. N Odja-l nkroka tras di kaza N ben fra-bu pa tuma kudadu ku el pamade el ta furta.

Raborbe, v. (do port. revolver "mexer e remexer") 1. Mexe pa djobe. Es raborbe tera pa mei tiston. Nhos pode raborbe tudu kabu, dja-m fra nhos ma N ka tene nada ngatxadu.

Txipi, adj. 1. Algen riku ki ka ta gasta dinheru. Omi ki taberna e ka ta paga nada y txeu bes el ta bebe na ka kusta. 2. Prindanti.

Ki Relason!

"Pexin ta kume e na Pexon" ditadu popular. Y Nes fotu?

Signifikadu y Sinonimus

kakarinu, n. 1. karantonha, kareta. Movimentu di peli fasial kunpanhadu di movimentu ripititu di kabesa, odju, bexu, boka, denti y lingua, tudu o mesmu tenpu ku intenson di irita interlokutor. 2. jestu komiku, provokatoriu y maldozu, makakada. 3. Bioku kunpanhadu di jestu fasial.

Karantonha, n. 1. Reza murmuradu (?) in forma di ladainha o txoru kunpanhadu di jestu di korpu, mon y rostu ta fingi dizusperu ku intenson di invoka alma penadu. Kenha ki ta faze karantonha el ta faze-l nun lugar ermu y el ta kridita ma spritu (alma penadu) invokadu ta ben djuda-l ku alma bibu (vizinhu o otu argen ki sa ta fronta-l) 2. Fitis, malfetu.

Arguns Obras publikadu sobri Kriolu di Kauverdi

Titulus Crioulo de Cabo Verde : "As obras linguísticas sobre o Crioulo de Cabo Verde tiveram tiragens limitadissimas e se esgotaram rapidamente". Ma e provavel ki arguns bibliotekas di Kauverdi tene-s . Obras inputanti pa kenha ki kre studa lingua Kauverdiana.

- Bai Djobe!

Dialetu go e Kuze?

Pa omenta? Klika riba di dukumentu.

- Nhos tira nhos propi ilason!

" E e manifesto que as lingoas Grega e latina primeiro forão grosseiras: (kont)

Signifikadu y Sinonimus

Kan, n. 1. baziu, luga sen nada. Na djogu di oril ora ki bu kai kan bu ta perde. Ka bu bai pa bu ka panha baziu!

Karan, n. 1. Peli di kara en partikular, ma tanbe di korpu en geral, sen nada riba do korpu, sen ningen, ki ka ten nada ki e di sel. El e el so, karan! Mudjer largal so ku un ropa na karan di korpu. 2. Peli. Spia-l na se karan di rostu bu odja ma el ten peli (karan) finu.

Kran , adj.1. Klaru, linpu. Kantu manxe kran N labanta y spia pa seu linpu, staba azul sen ninhun fiapu di nubri. 2. Sen nada. El da-l kuskus kran pa el kume. 3. Seku. Kantu se pa(i) more se odju staba senpri kran, nen un lagri! 4. N pasa noti kran = N pasa noti kordadu, sen durmi.